Icisontelelo ca Fikope
E lyo na mabula apo filesangwa
Pa nkupo pali Paulo, Dorka, Galio, Luka, umubomfi wa pe tempele ali na batumwa, umuSaduke, na Paulo balemushindika ukuya ku Kaisarea, e lyo ne Nte sha kwa Yehova aba muno nshiku baleshimikila ukubomfya motoka iya fisoselo ne filimba fya maseleti.
Ibula1 Paulo nabamukaka ne minyololo, na Luka ali mu bwato ubuletwala ifipe ku Roma.
Amabula 2, 3 Munyinefwe J. E. Barr na munyinefwe T. Jaracz aba mwi Bumba Litungulula balelolesha pali mapu wa calo conse.
Ibula 11 Yesu ali pa lupili mu Galili, aleeba abatumwa bakwe 11 aba citetekelo e lyo na bakonshi bambi ukuti balepanga abasambi.
Ibula 14 Yesu alenina ukuya mu muulu. Abatumwa bakwe balemulolesha ilyo aleya.
Ibula 20 Pa Pentekoste, abasambi batendeka ukulanda ku batandashi mu ndimi shabo shine.
Ibula 36 Abatumwa babaleta kuli Kayafa uukalipe nga nshi. Ababomfi ba pe tempele bali fye abaipekanya ukwikata uuli onse uo icilye ca Sanhedrini calalanda ukuti bamwikate.
Ibula 44 Pe samba: Pa numa ya Nkondo ya Calo iya Bubili, icilye mu East Germany capeele Inte sha kwa Yehova umulandu wa kuti bali ni nengu sha bena America. Ifi fifumine muli magazini itila Neue Berliner Illustrierte, iya October 3, 1950.
Ibula 46 Stefani balemulubulwisha mu cilye ca Sanhedrini. AbaSaduke abakankaala bali lwa ku numa, e lyo abaFarise abasakaatuka bali ku ntanshi.
Ibula 54 Petro abika iminwe pa musambi umupya; Simone ali na kamufuko aka ndalama.
Ibula 75 Petro na banankwe abo aleenda nabo baleingila mu ng’anda ya kwa Korneli. Korneli nakobeka ne cisalu icisuma nga nshi pa kubeya kwakwe ukwa ku kuso ukulanga ukuti mukalamba wa bashilika abena Roma.
Ibula 83 Malaika alelangilila Petro ukwa kuya; nalimo pa Lupungu lwa Antonia e po Petro abikilwe mu cifungo.
Ibula 84 Pe samba: Ibumba lya bantu abakalipe mupepi no musumba wa Montreal mu Quebec, mu mwaka wa 1945. Ifi fifumine muli magazini itila Weekend Magazine, iya July 1956.
Ibula 91 Paulo na Barnaba babatamfya mu musumba wa Antioke mu Pisidia. Lwa ku numa kuli icibumba ico bapangile umwali ifipunda umwalepita amenshi. Ici cibumba nalimo bacipangile ku kutendeka kwa nshita ya batumwa.
Ibula 94 Paulo na Barnaba bakaana ukubapepa mu Lustra. Ilyo balepeela amalambo pa cintubwingi, ilingi line kwalecitika ifintu ifyalekanalekana, kwaleba icongo, kabili balelisha sana ne nyimbo.
Ibula 100 Pa muulu: Sila na Yuda balekoselesha icilonganino mu Antioke wa ku Siria. (Imil. 15:30-32) Pe samba: Kangalila uutandalila ifilonganino alelanda ku cilonganino mu Uganda.
Ibula 107 Aba mu cilonganino ca mu Yerusalemu balelonganina mu ng’anda.
Ibula 124 Paulo na Timote nabanina mu bwato ubwa makwebo ubwa bena Roma. Ulupungu ulukwete inyali lulemoneka akatalamukila.
Ibula 139 Paulo na Sila bali mu lubansa ulwacingililwa, balefyuka ibumba lya bantu abakalipe.
Ibula 155 Galio alekalipila abalwani ba kwa Paulo. Afwele ifya kufwala ifilelanga icifulo akwata: umwingila wabuuta uwalefwala imfumu ya bena Roma, muli uyu wine umwingila mupitile ilangi lyakashikila kabili nafwala ne nsapato isho baleita ati calcei.
Ibula 158 Demetri alelanda ku babomfi mwi tuuka lya kufulilamo ifyela fya silfere mu Efese. Muli ili tuuka e mo bashitisha imfuba sha silfere isha kwa lesa Artemi isha kumwibukishishako.
Ibula 171 Paulo na banankwe balenina mu bwato. Ku numa kuli icikuulwa icitali ico beta ati Great Harbor Monument ico bakuulile kale sana.
Ibula 180 Pe samba: Muli ba 1940 balibindile ukulashalika impapulo mu Canada, umulumendo Nte alefyusha impapulo ishilanda pali Baibolo. (Alelangilila fye ifyo caleba.)
Ibula 182 Paulo aumfwila ifyo baeluda balanda. Luka na Timote bekele ku numa, nabaleta imisangulo.
Ibula 190 Umwipwa wa kwa Paulo alelanda kuli Klaudi Lusia mu Lupungu lwa Antonia, nalimo umu e mo Paulo bamukakile. Ku numa kuli itempele lya kwa Herode.
Ibula 206 Paulo alepepelako abayendo banankwe abafunshike nga nshi. Bali mu bwato ubusenda ifipe, kabili bekele mu cipinda umo basungila ifipe.
Ibula 222 Paulo umufungwa nabamukakila ku mushilika umwina Roma, aletamba umusumba wa Roma.
