Muli cino cipande twalakonka Paulo no kumona ifyo alekumanya amabumba ya bantu abakalipe, ne fyo aleshipikisha ilyo balemubika mu fifungo e lyo ne fyo alaiminina mu cilye pa ntanshi ya balashi abena Roma. Muli fyonse ifi ifyo Paulo apitamo, atwalilila fye ukulabila pa Bufumu bwa kwa Lesa. Ilyo mulesondwelela ukubelenga amalyashi ya kucincimusha ayaba mwi buuku lya Imilimo, mufwile ukuipusha amuti, ‘Bushe kuti napashanya shani uyu kabila wacincila kabili uwashipa?’