IFYO FWE BENA KRISTU TULINGILE UKULAIKALA
Mulefwaisha Yehova Alemusambilisha
ICO CACINDAMINA: Ifyo Yehova, Kasambilisha Wapulamo atusambilisha fyalicila pa masambililo yonse. Alatusambilisha ukwabula ukulipilapo nangu lumo ifyo twingaba ne nsansa ne fyo tufwile ukucita pa kuti tukekale bwino ku ntanshi! (Esa. 11:6-9; 30:20, 21; Ukus. 22:17) Ifyo Yehova atusambilisha filatwafwa no kulabila ubukombe ubukalenga abantu bakapusuke.—2 Kor. 3:5.
IFYO MWINGACITA:
-
Muleba abaicefya kabili abafuuka.—Amalu. 25:8, 9
-
Mulebikako amano ku masukulu ayo Yehova abikako pamo nga isukulu libako pa kulongana kwa Imikalile ya Bwina Kristu no Mulimo Tubomba
-
Mulepangila libela imilimo mwingabombako mu mulimo wa kwa Yehova. —Fil. 3:13
-
Muleipeelesha pa kuti mukafikepo ukuya ku masambililo na yambi.—Fil. 3:8
TAMBENI VIDIO ITILA IFYO YEHOVA APAALA ABAILE KWI SUKULU LYA BAKABILA BA MBILA NSUMA, LYENA LANSHANYENI AMEPUSHO YAKONKAPO:
-
Mafya nshi yamo ayo bakasabankanya bamo bakwete ilyo bashilaya kwi Sukulu lya Bakabila ba Mbila Nsuma ya Bufumu?
-
Finshi basambilila kwi Sukulu lya Bakabila ba Mbila Nsuma ya Bufumu?
-
Finshi ababa mu cilonganino umo batuma abapwisha amasambililo muli ili isukulu bacita pa kubafwa ilyo balebomba umulimo wabo?
-
Finshi fikabilwa pa kuti umo aye kwi Sukulu lya Bakabila ba Mbila Nsuma ya Bufumu? (kr ibu. 189)
-
Masukulu nshi yambi ayo mwingayako mu cilonganino ca kwa Yehova?