Ukutendeka uno mwaka tukalakwata inshita iikalamba sana iya kupekanishisha Icibukisho ca mfwa ya kwa Kristu. Nga ca kuti Icibukisho ciliko mu kati ka mulungu, ninshi uyo mulungu takwakabe Ukulongana kwa Imikalile no Mulimo Tubomba. Icibukisho nga ciliko pa mpela ya mulungu ninshi takwakabe ilyashi lya Baibolo ne sambililo lya Ulupungu lwa kwa Kalinda. Bushe mukabomfya shani iyi nshita? Filya fine balecita mu nshita ya batumwa na muno nshiku mwine tulingile ukupekanishisha libela ifikabilwa pali uku kulongana kwaibela. (Luka 22:7-13; km 3/15 ibu. 1) Lelo kwaliba na fimbi ifyo bonse twingacita pa kuti tukanonkelemo. Finshi ifyo fine?

• Mulingile ukulatontonkanya pa mulandu cacindamina ukusangwako.—1 Kor. 11:23-26

• Mulepepa no kutontonkanya pali bucibusa bwenu na Yehova.—1 Kor. 11:27-29; 2 Kor. 13:5

• Mulebelenga no kutontonkanya pa mpapulo shilanda pa bupilibulo bwa Cilubula.—Yoh. 3:16; 15:13

Bakasabankanya bamo balabelenga no kutontonkanya sana pa Malembo yaba mu katabo ka Ukubebeta Amalembo Cila Bushiku ayalanda pa fyalecitika mu nshiku sha Cibukisho. Bamo balabelenga amalembo ayaba muli charti ili pe samba. E lyo bambi bapituluka mu fipande fiba mu Ulupungu lwa kwa Kalinda ifilanda pa Cibukisho na pa kutemwa uko Yehova na Yesu batulanga. Nampo nga mukabomfya ifi twalandapo nelyo mu kabomfya inshila shimbi, tulesubila ukuti fikamupalamika sana kuli Yehova na ku Mwana wakwe.