ICO CACINDAMINA: Pa kuti abasambi ba Baibolo babe ifibusa fya kwa Yehova, balingile ukuipeela kuli ena no kubatishiwa. (1 Pet. 3:21) Lyena, Yehova kuti alabacingilila lwa ku mupashi nga balecita ifintu ukulingana ne fyo baipeela. (Amalu. 91:1, 2) Umwina Kristu taipeela ku muntu, ku ncito nelyo ku cilonganino, lelo ni kuli Yehova aipeela. Kanshi abasambi ba Baibolo balingile ukutemwa sana Lesa no kulamutasha.—Rom. 14:7, 8.

IFYO MWINGACITA:

• Ilyo mulemusambilisha, lanshanyeni ifyo ifyebo mulesambilila filanda pali Yehova. Mukoselesheni sana ukulabelenga Baibolo lyonse no ‘kulapepa ukwabula ukuleka.’—1 Tes. 5:17; Yako. 4:8

• Koselesheni umusambi ukulafwaisha ukuipeela no kubatishiwa. Na kabili, mwafweni ukulayasukapo pa kulongana, ukulashimikila ku bena mupalamano e lyo na kubo abomba nabo. Yehova tapatikisha umuntu uuli onse ukumubombela. Umuntu uwine e ufwile ukuipingwilapo ukuipeela.—Amala. 30:19, 20

• Afweni umusambi ukwalukako muli fimo ifyo alingile ukwalukamo pa kuti engaba cibusa kwa Yehova no kufikapo ukubatishiwa. (Amapi. 27:11) Apo imibele ne misango imo ilalimba imishila mu basambi, tulingile ukutwalilila ukubafwa mpaka bafuula ubuntu bwa kale no kufwala ubuntu bupya. (Efes. 4:22-24) Kuti mwalanshanya nankwe ifipande fitila, “Baibolo Ilaalula Abantu” ifiba mu Ulupungu lwa kwa Kalinda

• Mushimikileniko pa fyo ukubombela Yehova kwalenga mwaba ne nsansa.—Esa. 48:17, 18