ICO CACINDAMINA: Impapulo shonse ishaba pa Mpapulo Tubomfya pa Kusambilisha Abantu Baibolo epo shaba na pa webusaiti ya jw.org. Kabili ico kwabela kardi apaba webusaiti yesu na trakiti iitila Ni kwi Twingasanga Amasuko ku Mepusho Yacindama Sana? kufwaya ukwafwa abantu ukulabomfya webusaiti yesu. Kuti mwapeela umuntu ulupapulo lwaba pa Mpapulo Tubomfya pa Kusambilisha Abantu Baibolo ukubomfya foni nelyo tabuleti nangu kuti mwamutumina linki iingamutwala apali ulo ulupapulo pa jw.org. Kuti mwabomfya iyi inshila nga mulebila imbila nsuma ku muntu uulanda ululimi lumbi. Na kabili abantu kuti baipusha icipusho icishaba mu mpapulo shaba pa Mpapulo Tubomfya pa Kusambilisha Abantu Baibolo. Nga ca kuti natwishiba ifya kubomfya webusaiti yesu kuti tulebomba bwino umulimo wa kubila imbila nsuma.

IFYO MWINGACITA:

• Ifyo mwingabomfya icipande icitila “AMASAMBILISHO YA MU BAIBOLO.” Tutile muleshimikila umufyashi uulefwaya ifyebo na fimbi pa fya ku kusha abana. Kabiyeni apatila AMASAMBILISHO YA MU BAIBOLO > ICUPO NO LUPWA.

• Ifyo mwingabomfya icipande icitila “IMPAPULO.” Tutile mulecita ubunte bwa mu lyashi ku sukulu kabili mulefwaya ukupeela uo musambilila nankwe broshuwa iitila Ifyasuko ku Fipusho 10 Ifyo Abacaice Bepusha. Kabiyeni apatila IMPAPULO > IFITABO NA MA BROSHUWA.

• Ifyo mwingabomfya icipande icitila “PA NTE SHA KWA YEHOVA.” Tutile muleshimikila umuntu mubomba nankwe uulefwaya ukwishiba ifyo twasuminamo. Kabiyeni apatila PA NTE SHA KWA YEHOVA > AMEPUSHO ABANTU BEPUSHA SANA PA NTE SHA KWA YEHOVA.

TAMBENI VIDIO ITILA MULEBOMFYA JW.ORG, KABILI MONENI APO MWINGAYA PA WEBUSAITI NGA MULEFWAYA UKWAFWA:

• umuntu uushasumina muli Lesa

• umuntu uwaponenwe na kayofi

• munyina nelyo nkashi uwaleka ukulongana nelyo ukubila imbila nsuma

• umuntu mwalanshenye nankwe uwalefwaya ukwishiba ukufuma indalama tubomfya

• umuntu uwafumine ku calo cimbi uulefwaya uko balonganina mu calo afumineko