Ifyo Mwingalanda
LOLENI!
Icipusho: Abantu abengi balafwaya ukuba no bumi ubusuma. Bushe kuti twacita shani pa kuti tuicingilile ku malwele?
Ilembo: Amapi. 22:3
Amashiwi ya kulanda: Iyi Loleni! nailanda pa fyo twingacita pa kuicingilila ku malwele.
MULESAMBILISHA ICINE
Icipusho: Bushe Lesa e ulenga ukuti tulecula?
Ilembo: Yobo 34:10
Icine: Lesa te ulenga ukuti tulecula. Lelo Satana na bantu abacita ifyabipa e balenga ukuti tulecula, e lyo limo ni co tulasangwa pa ncende apacitikila ubusanso pa nshita ilya ine bwacitikilapo. Nga tulecula, Lesa alatwafwa kabili alatusakamana.
MULANDU NSHI MULINGIILE UKUSAMBILILA BAIBOLO? (Vidio)
Icipusho: Bushe kuti mwatila Lesa e uteka cino calo? [Lekeni basuke.] Lekeni imulangeko ifyo Baibolo isambilisha ifyo balondolola muli iyi vidio. [Tambisheni vidio.]
Amashiwi ya kulanda: Icipandwa 11 muli cino citabo calilondolola ico Lesa asuminishisha ukucula ne fyo akacita pa mafya yonse. [Bapeeleni icitabo ca Ico Baibolo Isambilisha.]
PEKANYENI MWE BENE IFYO MWINGALANDA
Ilyo mulepekanya ifyo mwingalanda mwe bene mu mulimo, pekanyeni ukulingana ne fyo balangilile pa muulu
Nalimo Kuti Mwatemwako ne fi
LOLENI!
Ifyo Twingaicingilila ku Malwele
Amalwele yeshile muno nshiku e lyo na yalebwela nayabipa sana. Kuti mwacita shani pa kuti muicingilile?
PA NTE SHA KWA YEHOVA
Mulandu Nshi Mulingiile Ukusambilila Baibolo?
Mu Baibolo mwaliba ifyasuko ku mepusho yacindama ayo abantu abengi pano calo bakwata. Bushe na imwe kuti mwatemwa ukusanga amasuko ku mepusho mwakwata?
