Ukutula na kale, abalashi ba buteko balyafwa abantu ba kwa Lesa pa nshita ishalekanalekana. (Esra 6:1-12; Este. 8:10-13) Na muno nshiku mwine, twalimona uko “isonde” e kutila amabuteko mu fyalo ifyalekanalekana ayafwaisha ukuba no mulinganya, yamina “umumana” e kutila amacushi ayo “icing’wena,” Satana Kaseebanya aleta pa bantu ba kwa Lesa. (Ukus. 12:16) Pa miku iingi, Yehova ‘Lesa uupususha’ alilenga bakateka bacefyako amacushi abantu bakwe bakwata.—Amalu. 68:20; Amapi. 21:1.

Finshi Yehova acita nga balimukaka pa mulandu wa fyo mwasuminamo? Kabili finshi mulingile ukwishiba nga ca kuti ku ntanshi bakamukaka pa mulandu wa fyo mwasuminamo? Tamulingile ukutwishika ukuti Yehova akalaba na imwe. (Ukute. 39:21-23; Amalu. 105:17-20) Yehova akamupaala kabili mu kakoselesha aba bwananyina mwi sonde lyonse pa mulandu ne fyo mutwalilila aba cishinka.—Fil. 1:12-14; Ukus. 2:10.

TAMBENI VIDIO ITILA BAMUNYINEFWE MU KOREA BABAFUMYA MU CIFUNGO, LYENA ASUKENI AMEPUSHO YAKONKAPO:

• Mulandu nshi bamunyinefwe abengi nga nshi mu South Korea balebabikila mu cifungo?

• Bupingushi nshi bapingwile mu filye ubwalengele bafumye bwangu bamunyinefwe bamo mu fifungo?

• Kuti twayafwa shani bamunyinefwe abo bakaka mu fifungo pa mulandu wa fyo basuminamo?

• Kuti twabomfya shani ubuntungwa twakwata?

• Nani alenga tucimfye imilandu shimo mu filye?