Ilyo Yesu ali pano calo, alilandile pe funde lya kuti: “Ulecindika wiso na noko.” (Ukufu. 20:12; Mat. 15:4) Yesu alikwete ubuntungwa bwa kulanda aya amashiwi pantu ‘alenakila’ abafyashi bakwe ilyo aali umwaice. (Luka 2:51) Ilyo alefwa, alishininkishe ukuti banyina balishele na aba kubasakama.—Yoh. 19:26, 27.

Na muno nshiku mwine, Abena Kristu abacaice abomfwila abafyashi babo e lyo no kulanda nabo mu mucinshi balalanga ukuti balicindika abafyashi babo. Na kuba, ifunde lya kucindika abafyashi talyakwata apo lipwila. Na lintu abafyashi besu bakota, tulingile fye ukutwalilila ukubacindika e lyo no kulasambililako ku mano yabo. (Amapi. 23:22) Tulanga ukuti tulacindika abafyashi besu abakoloci nga tulebasakamana muli fyonse. (1 Tim. 5:8) Nampo nga tuli bakalamba nelyo tuli bacaice, ukulalanshanya na bafyashi besu e nshila tulangilamo ukuti twalibacindika.

TAMBENI VIDIO YA TUKADOLI TWA KULENGA IITILA: IFYO WINGACITA PA KUTI ULELANSHANYA BWINO NA BAFYASHI BOBE, LYENA ASUKENI IFI FIPUSHO:

• Mulandu nshi cingafisha ukulanshanya na bafyashi bobe?

• Kuti walanga shani ukuti naucindika abafyashi bobe ilyo ulelanshanya nabo?

• Mulandu nshi cacindamina ukulanshanya na bafyashi bobe? (Amapi. 15:22)