Papita imyaka inga ukutula apo mwatendekele ukulolela Ubufumu bwa kwa Lesa? Bushe mwalitwalilila ukushipikisha te mulandu na mafya mukwata? (Rom. 8:25) Abena Kristu bamo balabacusha, balibapata, balabapoosa mu cifungo, kabili balafwaya fye no kubepaya. E lyo bambi balashipikisha amafya pamo nga ukulwalilila nelyo amafya ayesako pa mulandu wa kuti nabakula.

Finshi fingatwafwa ukulalolela nangu ca kuti tuli na mafya? Tufwile ukulabelenga Baibolo cila bushiku no kulatontonkanyapo sana pa kuti icitetekelo cesu cilekoselako. Tulingile ukubika amano kwi subilo twakwata. (2 Kor. 4:16-18; Heb. 12:2) Tufwile ukulapaapaata Yehova mwi pepo no kumulomba umupashi wakwe uwa mushilo. (Luka 11:10, 13; Heb. 5:7) Shifwe uwaba no kutemwa kuti atwafwa ‘ukushipikisha muli fyonse no kushishimisha pamo no kusekelela.’—Kol. 1:11.

TAMBENI VIDIO ITILA ‘TULINGILE “UKULABUTUKA NO KUSHIPIKISHA”—MULECETEKELA UKUTI MUKAPOKELELA ICILAMBU’ LYENA ASUKENI AYA MEPUSHO:

• Fintu nshi ‘ifyabula ukwenekela’ ifingatucitikila mu bumi? (Luk. Mil. 9:11)

• Bushe ipepo litwafwa shani ilyo twaba na mafya?

• Nga ca kuti te kuti tubombeshe mu mulimo wa kwa Yehova nga fintu twalebomba kale, mulandu nshi tulingile fye ukubikila amano ku fyo tubomba pali nomba?

• Finshi fimwafwa ukutwalilila ukucetekela ukuti mukapokelela icilambu?