Tufwaya ukutapilila imbuto sha cine isho tubyala. (1 Kor. 3:6) Nga twasanga umuntu uulefwaya ukusambilila, tufwile twamwipusha icipusho ico tukesalanshanyapo ilyo tukabwelelako. Nga twacita ifi, tukalenga akalefwaya ukusambililapo ifyebo na fimbi kabili na ifwe bene cikatwangukila ukupekanya ifya kuyalanda nga twabwelelako. Nga twabwelelako, tufwile ukumweba ukuti ico twabwelela ni ku kwasuka icipusho ico twamwipwishe umuku wafumineko.

• Ilyo tulepekanya ifya kulanda ilyo tulebila imbila nsuma ku ng’anda ne ng’anda, tufwile no kupekanya icipusho ico tukaasuka umwine wa ng’anda nga twabweleleko. Nalimo kuti lyaba lyashi ilili mu lupapulo ulo tulepeela abantu. Nelyo nalimo lyashi ilyaba mu lupapulo ulo mulefwaya ukutendeka ukusambililamo nga mwabwelelako.

• Ilyo mwapwisha ukulanshanya no mwine wa ng’anda uulefwaya ukusambilila, mwebeni ukuti mulefwaya ukuyalanshanya nankwe na kabili, e lyo nomba mwipusheni icipusho ico mupekenye ico mukalanshanyapo nga mwabwelelako. Pokeni inambala ya foni nelyo adresi ya ng’anda.

• Nga mwamweba inshita iyo mukabwelelako, mulingile ukuya pali iyo yine inshita mwalanshanya.—Mat. 5:37.