Ulwimbo 114 ne Pepo

Amashiwi ya Kutendekelako (3 min. nelyo ukucepako)

“Tufwile Ukubombesha pa Kuba mu Kupepa kwa Cine”: (10 min.)

• 2 Imila. 29:10-17—Hesekia alibombeshe pa kubwesha ukupepa kwa cine

• 2 Imila. 30:5, 6, 10-12—Hesekia alonganike abantu bonse abali ne mitima iisuma ku kupepa

• 2 Imila. 32:25, 26—Hesekia alilekele ukuba ne cilumba lelo aliicefeshe (w05 10/15 ibu. 25 para. 20)

Ukufwayafwaya Icuma Icaba mu Cebo ca kwa Lesa: (8 min.)

• 2 Imila. 29:11—Bushe Hesekia acitile shani pa kulanga ifintu ifyo tufwile ukubikako sana amano? (w13 11/15 ibu. 17 amapara. 6-7)

• 2 Imila. 32:7, 8—Finshi ifyo twingacita ifingatwafwa ukuipekanya ku mafya twingakwata ku ntanshi? (w13 11/15 ibu. 20 para. 17)

• Bushe ifyo nabelengele mu Baibolo uno mulungu fyansambilishe finshi pali Yehova?

• Fishinka nshi fimo ifyo nasambilile muli Baibolo uno mulungu ifyo ningabomfya ilyo ndebila imbila nsuma?

Ukubelenga Baibolo: 2 Imila. 31:1-10 (4 min. nelyo ukucepako)

Pekanyeni Ifyo Mukalalanda mwi Bala uno Mweshi. (15 min.) Ukulanshanya. Tambisheni vidio yakubalilapo iilelangilila ifya kucita pa kupeela abantu Ulupungu lwa kwa Kalinda, lyena lanshanyeni ifishinka ifilimo. Komaileni pa fyo kasabankanya acicita pa kuti akabwelele ku muntu uo acishimikilako imbila nsuma. Citeni cimo cine na pa kulanga ifya kupeela abantu Ulupungu lwa kwa Kalinda! na broshuwa ya Imbila Nsuma. Kuti mwamona ne fyebo ifyaba mu cipande citila “Ifya Kutungulula Isambililo Ukubomfya Broshuwa ya Imbila Nsuma.” Koselesheni bakasabankanya ukupekanya ifya kulanda mwi bala mu mashiwi yabo abene.

Ulwimbo 127

“Ishuko Twakwata Ilya Kukuula no Kusunga Bwino Ififulo apo Tupepela”: (15 min.) Ukulanshanya. Ebeni abali mwi bumba ababombapo umulimo wa kukuula Amayanda ya Bufumu balande pa nsansa isho bakwata pa mulandu wa kuti balibombapo uyu mulimo. Ipusheni munyinefwe uulolekesha pa kuwamya Ing’anda ya Bufumu no kuisunga bwino alande panono ifyo icilonganino capekanya ukulabomba uyu mulimo.

Isambililo lya Baibolo Ilya pa Cilonganino: ia icipa. 6 amapara. 1-14 (30 min.)

Pitulukeni mu fyo Mwasambilila na mu fyo Mukasambilila Umulungu Ukakonkapo (3 min.)

Ulwimbo 142 ne Pepo

Icishibisho: Mulingile ukulisha ulwimbo umuku umo pa kuti ibumba libale likutikeko ilyo mushilaimba.