Yehova amumona ukuti mwalicindama. (Esa. 43:4) Alilenga mwaba cibusa wakwe kabili alimuleta na mu cilonganino cakwe. Na kabili apo mwali-ipeela kabili mwalibatishiwa no kubatishiwa, muli ba kwa Yehova. E ico akalamusakamana nge cipe cakwe icaibela na lintu muli na mafya. Akalabomfya icilonganino cakwe pa kulanga ukuti alimutemwa icine cine.—Amalu. 25:10.

Nga twamona ifyo icilonganino ca kwa Yehova casakamene abantu bakwe ilyo kwacitike amasanso ayakalamba, tukalatasha sana pa fyo Yehova atutemwa.

TAMBENI VIDIO ITILA LIPOTI IFUMINE KULI KOMITI YA BAKAMPANYA IYA MU 2019, LYENA ASUKENI AMEPUSHO YAKONKAPO:

• Bushe Komiti ya Bakampanya ipekanya shani pa kuti imisambo yonse mwi sonde ileafwilisha abaponenwe na masanso ayakalamba?

• Bushe icilonganino ca kwa Yehova cacitile shani pa kweba aba bwananyina aba ku Indonesia na ku Nigeria ifya kucita na pa kubafwilisha?

• Finshi mutemenwe sana pa fyo icilonganino ca kwa Yehova cileafwa aba bwananyina mu nshita ya cikuko ca korona?