Mulandu nshi mulingile ukuipekanishisha libela? Kuti mwalwala nelyo kuti kwacitika ifintu ifyabula ukwenekela ifingalenga bamubutushisha ku cipatala nelyo ifingalenga bamuteeka. Kanshi, ino e nshita mulingile ukwesha apo mwingapesha ukuipekanya pa kuti bakamundape bwino nga mwalwala nelyo nga kwacitika ifyabula ukwenekela. Nga mwaipekanya, ninshi mulelanga ukuti mwalicindika ubumi na mafunde ya kwa Yehova ayalanda pa mulopa.—Imil. 15:28, 29.

Finshi mufwile ukucita pa kuti muipekanye?

• Mulingile ukupepelapo no kulemba kardi itila Uwa Kunjimininako Kuli Badokota iyo beta mu ciNgeleshi ati durable power of attorney (DPA). a Bakasabankanya ababatishiwa kuti bapoka iyi kardi na Identity Card (ic) iya bana abanono ku mubomfi wa fitabo

• Nga ca kuti muli pa bukulu, kuti mwapoka formu itila Ifyebo Kuli Banamayo Abali pa Bukulu (S-401) kuli baeluda mu cilonganino mwaba. Iyi formu ikamwafwa ukupingula bwino pa nshila bakamyundapilamo ilyo muli pa bukulu na lintu mukakwata umwana

• Nga ca kuti ilyo bakalamundapa bakabomfya inshila sha kundapilwamo umo babomfya umulopa nelyo nga bakamuteeka mu cipatala, mulingile ukwishibisha baeluda ilyo kucili inshita

Bushe baeluda kuti bamwafwa shani? Kuti bamwafwa ukusaina DPA kardi. Na lyo line, baleuda tabakamusalileko ifya kucita pantu mwe bene ni mwe mufwile ukuisalilapo. (Rom. 14:12; Gal. 6:5) Nga mwaeba baeluda ukuti pa kumundapa bakabomfya inshila sha kundapilamo umo babomfya umulopa, mu kwangufyanya bakatumina Komiti ya Kumfwaninamo ne Fipatala (HLC).

Bushe ba HLC kuti bamwafwa shani? Bamunyinefwe ababa mu HLC balibasambilisha ifya kulondolwela abasambilila ifya cipatala na mafunde ifyo twasuminamo pa mulopa. Kuti balanshanya na balemundapa inshila bengamundapilamo ukwabula ukumubikamo umulopa. Inshita shimo, kuti bamufwaila fye na dokota uwingamundapa ukwabula ukumubikamo umulopa.

TAMBENI VIDIO ITILA IFINGAMWAFWA UKUSALA IMYUNDAPILE IYABIMBWAMO UMULOPA, LYENA ASUKENI ICI CIPUSHO:

• Finshi mwasambilila muli vidio ifingamwafwa ukuipekanisha libela ku myundapilwe iyabimbwamo umulopa ilyo mwalwala nelyo ilyo kwacitika ifyabula ukwenekela?

  Icasuko cenu