January 15-21
YOBO 36-37
Ulwimbo 147 ne Pepo | Amashiwi ya Kutendekelapo (1 min.)
1. Icingalenga Twacetekela Ifyo Lesa Atulaya Ukuti Tukakwata Umweo wa Muyayaya
(10 min.)
Yehova abako umuyayaya (Yobo 36:26; w15 10/1 ibu. 13 amapara. 1-2)
Yehova alikwata amano na maka ya kulenga twaba no mweo (Yobo 36:27, 28 w20.05 ibu. 22 para. 6)
Yehova alatusambilisha ifyo tulingile ukucita pa kuti tukabe no mweo wa muyayaya (Yobo 36:4, 22; Yoh. 17:3)
Ukucetekela sana ifyo Yehova atulaya ukuti tukaba no mweo wa muyayaya kulalenga tuleshipikisha amafya tukwata mu bumi.—Heb. 6:19; w22.10 ibu. 28 para. 16.
2. Ukufwayafwaya Icuma Icaba mu Cebo ca kwa Lesa
(10 min.)
-
Yobo 37:20—Bushe mu nshita balelemba Baibo balecita shani pa kuti abantu bonse beshibe ifyebo fimo? (it-1-E ibu. 492)
-
Cuma nshi mwasangile ilyo mwalebelenga Baibo uno mulungu?
3. Ukubelenga Baibo
(4 min.) Yobo 36:1-21 (th isambililo 2)
4. Ifyo Mwingatendeka Ukulanshanya
(3 min.) UBUNTE BWA KU CINTUBWINGI. (lmd isambililo 3 icishinka 3)
5. Nga Mwabwelelako
(4 min.) KU NG’ANDA NE NG’ANDA. (lmd isambililo 2 icishinka 5)
6. Ukulondolola Ifyo Mwasuminamo
(5 min.) Ilyashi. ijwfq icipa. 57 amapara. 5-15—Umutwe: Finshi Fyacitikile Inte sha kwa Yehova Ilyo AbaNazi Baleipaya Abantu mu Nshita ya Nkondo? (th isambililo 18)
Ulwimbo 49
7. Muleipekanya pa Kuti Muleishiba Ifya Kucita Nga Mwalwala ica Kuti Bamutwala ku Cipatala Nelyo Balafwaya Ukumulepula
(15 min.) Ukulanshanya. Eluda e ulingile ukulanda ili lyashi.
Icilonganino ca kwa Yehova calipekanya ifingatwafwa ukumfwila ifunde lya kwa Lesa ililanda pa mulopa. (Imil. 15:28, 29) Bushe mulafibomfya bwino?
Kardi ya Uwa Kunjimininako Kuli Badokota iyo Beta Ukuti DPA e lyo na Identity Card (ic) iya Bana Abanono: Aya ama kardi yalalondolola ifyo umulwele alefwaya ukundapwa ukulosha ku mulopa. Bakasabankanya ababatishiwa kuti bapoka ama kardi ya DPA ku mubomfi wa fitabo e lyo na ma Identity Card ayo abana babo abanono bengalabomfya. Tulingile ukulasenda aya amakardi konse uko tuli. Nga ca kuti mulekabila ukulemba formu imbi nelyo ukwalulamo fimo ninshi mulingile ukwangufyanya sana ukucita ifyo.
Ifyebo Kuli Banamayo Abali pa Bukulu (S-401) e lyo na formu iitila Information for Patients Requiring Surgery or Chemotherapy (S-407): Ifi fyebo filatwafwa ukuipekanya bwino pa fyo twingondapwa e lyo ne fyo twingacita nga twakwata amafya ayengalenga bafwaya ukutubikamo umulopa. Kuti mwaeba ba eluda pa kuti bamupeelako formu iyo mwingabomfya nga ca kuti muli pa bukulu, mulekabila ukumulepula nelyo nga balingile ukumundapa ubulwele bwa kansa.
Komiti ya Kumfwaninamo ne Fipatala (HLC): Ababa muli komiti ya HLC ni ba eluda abo basambilisha ifya kulanshanya na ba dokota e lyo na bakasabankanya pa malyashi ayakumine umulopa. Kuti balanshanya na ba dokota pa nshila shimbi ishabako isho bengamundapilamo ukwabula ukubomfya umulopa. Kabili inshita shimo kuti bamufwailako na dokota uwingasumina ukumundapa ukulingana ne fyo mwe bene mwasalapo. Balabomba inshiku shonse 7 ishaba mu mulungu kabili pa ma-awala 24. Mulingile ukutumina ababa muli komiti ya HLC bwangu bwangu nga ca kuti bamuteka mu cipatala, balefwaya ukumulepula nelyo ukumundapa ubulwele bwa kansa, kabili mulingile fye ukubeshibisha te mulandu ne fyo ifintu fili nampo nga balefwaya ukumubikamo umulopa nelyo iyo. Kabili ifi fine e fyo na bali pa bukulu balingile ukucita. Nga mulekabila ukumwafwa, ipusheni baeluda pa kuti bamwebe ifyo mwingacita pa kuti mulande na baba muli komiti ya HLC.
Tambeni VIDIO Ifyo Ababa mu Makomiti ya Kumfwaninamo ne Fipatala Batwafwa. Lyena ipusheni abali mwi bumba:
Bushe ababa muli komiti ya HLC kuti bwamwafwa shani nga namulwala nelyo nga balefwaya ukumulepula?
8. Isambililo lya Baibo Ilya pa Cilonganino
(30 min.) bt icipa. 4 amapara. 9-12, akabokoshi pe bula 34
