9:62

Pa kuti umuntu uulelima na plao apange imikolwa iyaololoka, talingile ukuleka ifili ku numa fyamupumbula. Ifi fine e fyo caba na ku Mwina Kristu, talingile ukuleka ifya muli ici calo ifyo asha fyamupumbula.—Fil. 3:13.

Nga ca kuti twakwata amafya, cilanguka ukulatontonkanya ukuti ifintu fyaliweme nga nshi ilyo tushilasambilila icine. Ilingi line tulenga calamoneka kwati twali sana ne nsansa kale kabili twalekwata fye amafya ayanono. Ifi fine e fyo abena Israele bacitile ilyo bafumine mu Egupti. (Impe. 11:5, 6) Nga twaikalila fye ukulatontonkanya ifi, kuti twalafwaya ukubwelela ku fintu ifyo twasha. Kanshi tulingile ukulatontonkanya pa mapaalo tulekwata pali nomba no kubika amano ku fisuma ifyo tukakwata ilyo Ubufumu bukalateka isonde!—2 Kor. 4:16-18.