IFYO TWINGACITA PA KUTI TULEBILA BWINO IMBILA NSUMA | MULECITA IFINGALENGA MULESEKELELA ILYO MULEBILA IMBILA NSUMA
Ifya Kufika Abasambi pa Mutima
Tumfwila Lesa ukufuma pa nshi ya mutima. (Amapi. 3:1) Kanshi tufwile ukulafika abantu pa mutima ilyo tulebasambilisha. Kuti twacita shani pa kuti tulebafika pa mutima?
Mwilapelela fye pa kusambilisha umusambi icine ca mu Baibolo, lelo mulelenga aumfwikisha ifyo engabomfya ifyo alesambilila ne fyo fikumine bucibusa bwakwe na Yehova. Mulelenga amona ifyo ifyaba mu Baibolo filanga imibele ya kwa Lesa pamo nga ukutemwa, ubusuma, e lyo no bulungami. Cikuuku cikuuku mulemwipusha amepusho ayengalenga alatontonkanya ifyo omfwa pa fyo alesambilila. Mulemwafwa ukutontonkanya pa fyo ifintu mu bumi bwakwe fingawama nga aleka ukutontonkanya nelyo ukucita ifintu ifyabipa. Nga mwamona ifyo umusambi wenu aletemenwako Yehova, mukalasekelela sana.
TAMBENI VIDIO ITILA KUTI MWABA NE NSANSA NGA MULEISHIBILAKO IFYA KUPANGA ABASAMBI —IFYA KUFIKA ABASAMBI PA MUTIMA, LYENA ASUKENI AMEPUSHO YAKONKAPO:
-
Cinshi ba Neeta bacipushisha ba Jade ukuti: “Bushe walitontonkanyapo pa fyo twalanshenye?”
-
Bushe ba Neeta bacilenga shani ba Jade bamona ifyo ifyaba mu Baibolo filanga ukuti Yehova alibatemwa?
-
Nga tulefika umusambi pa mutima, cikalenga akalelunduluka
Bushe ba Neeta bacafwa shani ba Jade ukutontonkanya pa fyo bengacita pa kuti balange ukuti balitemwa Lesa?
