Yehova aleafwa abena Israele abapiina. Bushe Yehova afwa shani ababomfi bakwe abapiina muno nshiku?

• Alatusambilisha ifyo tufwile ukulamona indalama.—Luka 12:15; 1 Tim. 6:6-8.

• Alatwafwa ukukanalamona kwati tatwacindama.—Yobo 34:19.

• Alatufunda ukuti tufwile ukulabombesha no kuti tufwile ukutaluka ku kucita ifyabipa.—Amapi. 14:23; 20:1; 2 Kor. 7:1.

• Alituleta mu cilonganino ca Bwina Kristu umwaba aba bwananyina abatutemwa.—Yoh. 13:35; 1 Yoh. 3:17, 18.

• Alitupeela isubilo.—Amalu. 9:18; Esa. 65:21-23.

Nangu twingakwata amafya ayengi, tatufwile ukulasakamikwa. (Esa. 30:15) Yehova akatupeela ifyo tukabila cikulu fye tulefwaya Ubufumu bwakwe intanshi.—Mat. 6:31-33.

TAMBENI VIDIO ITILA TWALILILENI UKUBA NO KUTEMWA NANGU CA KUTI . . . MULI BAPIINA—MU CONGO, LYENA ASUKENI AMEPUSHO YAKONKAPO:

• Bushe aba bwananyina abekalila mupepi no kubela ukulongana kwa citungu bapokelela shani bamunyinefwe abaya mu kulongana kwa citungu?

• Finshi vidio iletusambilisha pa fyo Yehova atemwa abapiina?

• Kuti twapashanya shani Yehova nangu ca kuti tuli bapiina?