IFYO FWE BENA KRISTU TULINGILE UKULAIKALA | IMILIMO MWINGAPANGA UKUBOMBAKO MU MWAKA WA MULIMO UULEISA
Imilimo Mwingapanga Ukubombako mu Mwaka wa Mulimo Uuleisa—Ukuya Mukubombela uko Bakabila ba Mbila Nsuma Bacepa
Tulakabila ukuba ne citetekelo icakosa pa kuti tufume ku ncende twabelesha no kuya ku ncende imbi pa kuti tulebombesha mu mulimo wa kwa Lesa. (Heb. 11:8-10) Nga mulatontonkanyapo pa kuya mu kubombela uko bakabila ba mbila nsuma bacepa, kuti mwalanshanya na baeluda ba mu cilonganino mwaba. Finshi mwingacita pa kuti mwishibe nga kuti mwakumanisha ukuyabombela uko bakabila ba mbila nsuma bacepa e lyo na pa kusala incende ukwa kuya mu kubombela? Mulingile ukubelenga ifyebo ifyaba mu mpapulo shesu ifilanda pa kuya uko bakabila ba mbila nsuma bacepa. Kuti mwalandako na babombelapo uko bakabila ba mbila nsuma bacepa pa kuti mwishibe ifyo bacitile. (Amapi. 15:22) Mulepepa kuli Yehova pa kuti alemutungulula. (Yako. 1:5) Mulefwailapo ifyebo na fimbi pa ncende mulefwaya ukuyako kabili nga namukwata inshita kuti cawama mwayatandalako kuli iyo ncende pa nshiku ishinono ilyo tamulakukilako.
TAMBENI VIDIO IITILA ICITETEKELO KUTI CALENGA—TWAYA MU KUBOMBELA UKO BAKABILA BA MBILA NSUMA BACEPA, LYENA ASUKENI ICIPUSHO CILI PE SAMBA:
-
Mafya nshi ba Gabriel bakwete ayo balekabila ukucimfya kabili finshi fyabafwile?
