Pa fya kwa Lesa ifyo tupanga ukucita paba na fyonse ifyo tufwaisha ukucita pa kuti tulebombela bwino Yehova no kulenga alesekelela. Ifyo tupanga ukucita filatwafwa ukukoselako mu cine no kulaipeelesha ukubomfya inshita yesu na maka yesu. (1 Tim. 4:15) Mulandu nshi lyonse tulingile ukulapitulukila mu fyo twapanga ukucita? Ni co ifintu filaaluka. Ifyo twalefwaya ukucita nalimo pali iyo nshita te kuti tukumanishe ukuficita kabili kuti twasalapo ukupanga ukucita fimbi.

Inshita iisuma ilyo mwingapituluka mu fyo mwapanga ukucita, ni lilya umwaka wa mulimo umbi ushilatendeka. Kuti mwalanshanyapo pa mapepo ya lupwa kabili kuti mwapanga ukucita fimo pa lwenu e lyo fimbi kuti mwapanga ukucita pamo ngo lupwa.

Finshi mwapanga ukucita pa fyakonkapo, kabili mukacita shani pa kuti mukafishepo ifyo mwapanga?