Bakangalila ba muputule na bena mwabo balalanga ukuti balitemwa abo babombela. Nga filya fine caba kuli ifwe bonse, nabo bene balikwata ifyo bakabila kabili limo balanaka sana, balafuupuka kabili balasakamikwa no kusakamikwa. (Yako. 5:17) Na lyo line, cila mulungu balabika amano kuli bamunyinabo na bankashi mu cilonganino baletandalila no kubakoselesha. Ukwabula no kutwishika, bakangalila wa muputule balakabila ukubapeela “umucinshi ubili.”—1 Tim. 5:17.

Ilyo umutumwa Paulo alepekanya ukuya ku Roma pa kuti akapeeleko abali muli cilya cilonganino “ica bupe icafuma kuli Lesa,” alefwaisha sana ukuti akakoseleshe aba bwananyina e lyo nabo bakamukoseleshe. (Rom. 1:11, 12) Bushe mwalitontonkanyapo pa fyo mwingakoselesha bakangalila benu aba muputule na bena mwabo nga ca kuti balyupa?

TAMBENI VIDIO ITILA IFYO BAKANGALILA BA MUPUTULE BABOMBA MU NCENDE SHA MU MISHI, LYENA ASUKENI AYA MEPUSHO:

• Finshi bakangalila ba muputule na bena mwabo bacita ifilanga ukuti balitemwa icilonganino?

  Icasuko cenu

• Mwanonkelamo shani mu fyo babombesha?

  Icasuko cenu

• Finshi twingacita pa kuti tubakoseleshe?

  Icasuko cenu