August 5-11

ICUMA ICABA MU CEBO CA KWA LESA

1. ‘Mukashimikile aba mu Nkulo Iikakonkapo’ pa Maka ya kwa Lesa

(10 min.)

Ilyo Davidi ali umwaice alimwene ifyo Yehova alemucingilila (Amalu. 71:5; w99 9/1 ibu. 18 para. 17)

Na lintu Davidi akotele alimwene ifyo Yehova alemwafwa (Amalu. 71:9; g04 10/8 ibu. 23 para. 3)

Davidi alekoselesha abacaice ilyo alebalondolwela ifyalemucitikila (Amalu. 71:17, 18; w14 1/15 ibu. 23 amapara. 4-5)

YIPUSHENI AMUTI, ‘Ni bani pa bo twaba na bo mu cilonganino ababombela Yehova pa myaka iingi, abo ningatemwa ukwipushako ilyo tuli pa Mapepo ya Lupwa?’

2. Ukufwayafwaya Icuma Icaba mu Cebo ca kwa Lesa

(10 min.)

Amalu. 72:8—Bushe ifyo Yehova alaile Abrahamu ifyaba pa Ukutendeka 15:18, fyafikilishiwe shani ilyo Imfumu Solomone yaleteka? (it-1-E ibu. 768)

Lembeni icasuko
Cuma nshi mwasangile ilyo mwalebelenga Baibo uno mulungu?

Lembeni icasuko

3. Ukubelenga Baibo

(4 min.) Amalu. 71:1-24 (th isambililo 5)

IFYO TWINGACITA PA KUTI TULEBILA BWINO IMBILA NSUMA

4. Ifyo Mwingatendeka Ukulanshanya

(3 min.) KU NG’ANDA NE NG’ANDA. Nga ca kuti umuntu alefwaya ukutalikishanya na imwe, kuti mwamweba fye amashiwi ayasuma no kuleka ukulanshanya nankwe. (lmd isambililo 4 icishinka 5)

5. Nga Mwabwelelako

(4 min.) UBUNTE BWA MU LYASHI. Twalilileni ukulanshanya na lupwa lwenu uo mwalanshenye nankwe ku numa lelo uuleshingashinga ukutendeka ukusambilila Baibo. (lmd isambililo 8 icishinka 4)

6. Ukulondolola Ifyo Mwasuminamo

(5 min.) Ilyashi. ijwfq 49—Umutwe: Mulandu Nshi Inte sha kwa Yehova Balwilako Fimo Ifyo Basuminamo? (th isambililo 17)

IFYO FWE BENA KRISTU TULINGILE UKULAIKALA

7. Ifyo Mwingalanshanyapo pa Mapepo ya Lupwa

(15 min.) Lanshanyeni icipande ne bumba.

Amapepo ya Lupwa yalicindama sana pantu yalalenga abana balebasalapula ‘kabili balebakonkomesha ukulingana ne fyo Yehova afwaya.’ (Efes. 6:4) Pa kuti umwana asambilile alingile ukubombesha, lelo umwana kuti atemwa ukusambilila maka maka nga atendeka ukutemwa icine ca mu Baibo. (Yoh. 6:27; 1 Pet. 2:2) Moneni akabokoshi akaleti “ Ifyo Mwingalanshanyapo pa Mapepo ya Lupwa” pa kuti mumone ifingaafwa abafyashi ukwishiba ifyo bengacita pa kulenga aba mu lupwa baletemwa Amapepo ya Lupwa e lyo no kulasambililako, lyena lanshanyeni amepusho yakonkapo:

Finshi pali fi ifyo mwabomfyapo?

Lembeni icasuko
Bushe kwaliba na fimbi ifyo mwasanga ukuti filabomba bwino?

Lembeni icasuko

IFYO MWINGALANSHANYAPO PA MAPEPO YA LUPWA

BAIBO:

Kuti mwakutika kuli Baibo iyo babelenga iili mu kubelenga Baibo ukwa cila mulungu nga eko yaba mu lulimi lwenu, nelyo kuti mwaibelengela mwe bene kabili kuti muleikatishako ne shiwi pa kubelenga. Cila umo mu lupwa kuti abelenga amashiwi ayalandile umuntu uwapusanako uwa mu Baibo
Kuti mwapekanya amepusho ukufuma mu kubelenga Baibo ukwa cila mulungu. Cila muntu mu lupwa kuti asala icipusho cimo no kufwaya ifyebo pali ico icipusho. Lyena kuti mwalanshanya ifyo cila muntu asambilileko
Kuti mwaipusha icipusho nelyo ukulanda pa fingacitika, lyena fwayeni amashinte ya mu Baibo ayengabomba bwino ukufuma mu citabo citila Amalembo Ayengafwa Abena Kristu mu Mikalile
Kuti mwapangako icangalo icilelanda pe lyashi lya mu Baibo
Kuti mulepangako kardi apali ilembo limo cila mulungu, pamo nga amalembo ayaba pa ifyebo fyalundwako A muli broshuwa itila Muletemwa Abantu—Mulelenga Baba Abasambi, lyena esheni ukwibukisha amalembo. Pitulukeni mu ma kardi mwapangile mu milungu yafumako
Kuti mwasambililako ulubali lumo mu citabo citila Kuti Mwaba ne Nsansa Umuyayaya!
Kuti mwapeelela limo aba mu lupwa ukwisalanda pa fyaba mu cipande cimo ukufuma mu ciputulwa citila “Amasuko ku Mepusho ya mu Baibolo” nelyo icitila “Ubulondoloshi bwa Fikomo fya mu Baibolo” icaba apatila AMASAMBILISHO YA MU BAIBOLO pa jw.org

UKULONGANA:

Kuti mwapekanyako ulubali lwa kulongana kwa pa cilonganino
Kuti mwapekanyako ifyasuko no kufipitulukamo. Kabili kuti mwamona nga ca kuti ifyasuko filelepa nelyo iyo
Kuti mwaimbako inyimbo sha Bufumu
Kuti mwapekanya no kwesha ifyo mwingayakoselesha uwa bwananyina ilyo tamulatendeka ukulongana nelyo pa numa, pa kulongana kukonkelepo
Kuti mwapituluka mwi lyashi lya musambi ilyo uwa mu lupwa umo akalanda mu milungu ileisa

UKUBILA IMBILA NSUMA:

Kuti mwapekanya ifya kubila imbila nsuma ku ng’anda ne ng’anda
Kuti mwapekanya ifya kucita ifipempu fya kubwelelamo
Kuti mwatontonkanya pa fyo mwingalanshanya no muntu mu bunte bwa mu lyashi, kabili esheni ukulanshanya no muntu mu nshila iingalenga alafwaya ukukutika
Kuti mwalanshanya pa fyo mwingacita pa kuti mukabombeshe mu mulimo wa kubila imbila nsuma mu nshita ya Cibukisho nelyo pa nshita mushili ku ncito nelyo ku sukulu

IFYO ULUPWA LULEKABILA:

Kuti mwapekanya no kwesha ifyo uwa mu lupwa engacita nga kwacitika ifintu pamo nga ifingalenga umo aitumpa mu fikansa fya calo, ifyo engacita nga balemucusha, ifilanda pa kwishishanya nelyo ukusefya amaholide
Limo kuti mulecitako ifilangililo umo abana bengaba abafyashi e lyo abafyashi baba abana. Abana kuti bafwailisha ifyebo pe lyashi limo, e lyo balanshanya na bafyashi

FIMBI IFYO MWINGACITA:

Kuti mwatamba no kulanshanya programu ya JW Broadcasting^®
Kuti mwabelenga icipande nelyo ukutamba vidio iyaba pa jw.org lyena no kulanshanya
Kuti mwalanshanyako fimo ifyaba pa ciputulwa citila “Imisepela” nelyo icitila “Abana” ifyaba apatila AMASAMBILISHO YA MU BAIBOLO pa jw.org
Kuti mwapituluka mu fyo mwasambilile pa kulongana kwa citungu nelyo ukwa muputule
Kuti muletamba nelyo ukufwailisha pa bubumbo, no kulanshanya pa fyo filemusambilisha pali Yehova
Inshita shimo kuti mwaitako bamo ku mapepo ya lupwa, lyena kuti mwabepushako fimo
Kuti mwapanga ukubombako imilimo imo iya kwa Lesa, lyena lanshanyeni ifyo mwingacita pa kufishapo ifyo mwapanga
Kuti mwabombela pamo ukupanga ifintu pamo nga icintu icaliko ico balandapo muli Baibo, ama mapu nelyo charti

Tambeni VIDIO itila Mulewamyako Ifyo Mucita Amapepo ya Lupwa. Lyena ipusheni ibumba ici cipusho:

Bushe umulume kuti acita shani pa kuti alepekanya amapepo ya lupwa ayasuma nga ca kuti mu lupwa tamwaba abana?

Lembeni icasuko

8. Isambililo lya Baibo Ilya pa Cilonganino

(30 min.) bt icipa. 13 amapara. 17-24

Amashiwi ya Kusondwelela (3 min.) | Ulwimbo 123 ne Pepo

AKATABO KA MIKALILE NO MULIMO TUBOMBA

Umutande wa Ukulongana kwa Imikalile no Mulimo Tubomba August 5-11, 2024

Cibemba

Umutande wa Ukulongana kwa Imikalile no Mulimo Tubomba August 5-11, 2024

https://cms-imgp.jw-cdn.org/img/p/202024246/univ/art/202024246_univ_sqr_xl.jpg

mwb24 July amabu. 10-16

Inte sha kwa Yehova

August 5-11

AMALUMBO 70-72

Ulwimbo 59 ne Pepo | Amashiwi ya Kutendekelapo (1 min.)

ICUMA ICABA MU CEBO CA KWA LESA

1. ‘Mukashimikile aba mu Nkulo Iikakonkapo’ pa Maka ya kwa Lesa