July 29–August 4
AMALUMBO 69
Ulwimbo 13 ne Pepo | Amashiwi ya Kutendekelapo (1 min.)
1. Ifyo Amalumbo 69 Yasobele Ifyacitike mu Bumi bwa kwa Yesu
(10 min.)
Yesu balimupatile apabula umulandu (Amalu. 69:4; Yoh. 15:24, 25; w11 8/15 ibu. 11 para. 17)
Yesu alitemenwe ukupepa kwa cine (Amalu. 69:9; Yoh. 2:13-17; w10 12/15 ibu. 8 amapara. 7-8)
Yesu alyumfwile sana ububi kabili balimupeele umwangashi uo basakenyemo ifyalula (Amalu. 69:20, 21; Mat. 27:34; Luka 22:44; Yoh. 19:34; g95 10/22 ibu. 31 para. 4; it-2-E ibu. 650)
IFYA KUTONTONKANYAPO: Mulandu nshi Yehova abikilemo amasesemo ayalanda pali Mesia mu Malembo ya ciHebere?
2. Ukufwayafwaya Icuma Icaba mu Cebo ca kwa Lesa
(10 min.)
-
Amalu. 69:30, 31—Bushe ifi fikomo kuti fyatwafwa shani ukuwamyako amapepo yesu? (w99 1/15 ibu. 18 para. 11)
-
Cuma nshi mwasangile ilyo mwalebelenga Baibo uno mulungu?
3. Ukubelenga Baibo
(4 min.) Amalu. 69:1-25 (th isambililo 2)
4. Ukutekanya—Ifyo Yesu Acitile
(7 min.) Ukulanshanya. Tambeni VIDIO, lyena lanshanyeni muli lmd isambililo 8 ifishinka 1-2.
5. Ukutekanya—Mulepashanya Yesu
(8 min.) Lanshanyeni ifili muli lmd isambililo 8 ifishinka 3-5 na “Moneni Na.”
Ulwimbo 134
6. Ukukabila kwa Cilonganino
(5 min.)
7. Ifingalenga aba mu Lupwa Balekwata Amapepo ya Lupwa Ayasuma
(10 min.) Lanshanyeni icipande ne bumba.
Mu January 2009 Isambililo lya Citabo pa Cilonganino, Isukulu lya Butumikishi Ilya Bulesa na Ukulongana kwa Mulimo balifibikile pamo no kupangamo ukulongana kumo ukwa mu kati ka mulungu. Ici calilenga cila lupwa ukukwata programu pa bushiku bumo mu mulungu ubwa kukwata amapepo ya lupwa. Abengi balatasha sana pali uku kupekanya ukusuma pantu amapepo ya lupwa yalilenga baleba sana ifibusa na Yehova no kwikatana mu lupwa.—Amala. 6:6, 7.
Mashinte nshi ayengafwa imitwe ya ndupwa ukulatantika amapepo ya lupwa ayasuma e lyo no kulakwata cila mulungu?
-
Mulekwata amapepo ya lupwa lyonse. Nga kuti mwakumanisha mulekwata amapepo ya lupwa cila mulungu. Nga ca kuti mwafilwa ukukwata amapepo ya lupwa pa bushiku mwatantika mufwile ukukwata ubushiku bumbi ubo mwingakwatilapo amapepo ya lupwa
-
Mulepekanya. Muleipushako abena mwenu, kabili inshita shimo kuti mwaipushako na bana ukulanda ifyo bengatemwa mwalanshanyapo pa mapepo ya lupwa. Tamufwile ukupekanya ifintu ifingi, maka maka nga ca kuti ulupwa lwalitemwa ukucita ifintu fimo fine pa mapepo ya lupwa cila mulungu
-
Muletantika programu ukulingana no kukabila kwa lupwa. Ilyo abana baleya balekula, ifyo bafwaya e lyo no bwishibilo filaya fileyaluka. Programu ya mapepo ya lupwa iyo mwatantika ifwile ukulalenga aba mu lupwa bonse ukulakula mu fya kwa Lesa
-
Muleba no kutemwa kabili mulelenga bonse baleyumfwa abantungwa. Inshita shimo mulekwatilako amapepo ya lupwa panse nga ca kuti imiceele ili fye bwino. Nga na cilinga mulebala mwatuushako. Nangu ca kuti mufwile ukubika amano ku kulanshanya ifikumine ulupwa lwenu, tamufwile ukubomfya inshita ya mapepo ya lupwa ku kukalipila nelyo ukusalapula aba mu lupwa
-
Mwilacita fye amapepo ya lupwa yamo yene. Ku ca kumwenako, pa mapepo ya lupwa kuti mwapekanya ulubali lwa kulongana ukukonkelepo, kuti mwatamba no kulanshanya vidio imo pa jw.org, nelyo kuti mwapekanya ifyo mukaya mu kucita pa kubila imbila nsuma. Nangu ca kuti ilyo muli pa Amapepo ya Lupwa ukulanshanya kwalicindama sana, kuti mulekwatako ne nshita ya kuti cila muntu acitako isambililo lya pa lwakwe
Lanshanyeni ici cipusho:
-
Bushe mwalibomfyapo ifi twalandapo pa mapepo ya lupwa, kabili mwafibomfeshe shani?
8. Isambililo lya Baibo Ilya pa Cilonganino
(30 min.) bt icipa. 13 amapara. 8-16, akabokoshi pe bu. 105
