IFYO FWE BENA KRISTU TULINGILE UKULAIKALA
Mulekonka Sana mu Ntampulo sha kwa Kristu
Yesu alitushiliile ica kumwenako ico tulingile ukulapashanya maka maka ilyo twakwata amafya nelyo ilyo baletucusha. (1 Pet. 2:21-23) Ilyo Yesu balemutuka, ena talebabwekeshamo no kubatuka nangu ca kuti balemucusha. (Marko 15:29-32) Finshi fyamwafwile ukushipikisha? Alipingwilepo ukucita ukufwaya kwa kwa Yehova. (Yoh. 6:38) Kabili abikile amano ku “kusekelela ukwabikilwe pa ntanshi yakwe.”—Heb. 12:2.
Bushe tucita shani nga batucusha pa mulandu wa fyo twasuminamo? Abena Kristu ba cine ‘tababwesesha ububi pa bubi.’ (Rom. 12:14, 17) Nga twapashanya Kristu filya ashipikishe ilyo baletucusha, tukaba sana ne nsansa pantu ninshi twalenga Yehova ukusekelela.—Mat. 5:10-12; 1 Pet. 4:12-14.
TAMBENI VIDIO ITILA, ISHINA LYA KWA YEHOVA E LYACILAPO UKUCINDAMA, LYENA ASUKENI AYA MEPUSHO YAKONKAPO:
-
Bushe Nkashi Pötzinger * alebomfya shani bwino inshita ilyo ali mu cifungo?
-
Bushe mafya nshi Munyina na Nkashi Pötzinger bashipikishe ilyo bali mu nkambi sha kucushishamo abantu?
-
Finshi fyabafwile ukushipikisha?
Ilyo balemucusha, mulekonka sana intampulo sha kwa Kristu
^ para. 6 Ili ishina balalilemba no kuti Poetzinger.
