Ifyo Mwingalanda
ULUPUNGU LWA KWA KALINDA
Icipusho: Bushe mwaliyomfwapo aya mashiwi?
Ilembo: Yoh. 3:16
Amashiwi ya kulanda: Ulu Ulupungu lwa kwa Kalinda nalulondolola ifyo mwinganonkelamo mu kucula na mu mfwa ya kwa Yesu.
ULUPUNGU LWA KWA KALINDA (ibuula lya kulekeleshako)
Icipusho: Moneni ici icipusho kabili ne fyasuko fimo fimo ifyaseeka. [Belengeni icipusho ca kubalilapo na fimo ifyo balandilepo.] Muletipo shani?
Ilembo: Mat. 4:1-4
Amashiwi ya kulanda: Apo Satana alilanshenyepo na Yesu kabili aali mutunkile, Satana afwile alicila pa cishibilo ca bubifi ubwabako. Finshi fimbi ifyo Baibolo yalandapo pali Satana? Ici cipande nacilondolola ifyebo na fimbi.
AKAPEPALA KA KWITILAPO ABANTU KU CIBUKISHO
Amashiwi ya kulanda: Tulepeela abantu aka akapepala aka kubetilapo ku kulongana ukwacindama sana [Peeleni umuntu uo musangile pa ng’anda akapepala.] Pa March 23, abantu abengi sana isonde fye lyonse bakalongana ku kwibukisha imfwa ya kwa Yesu Kristu kabili bakakutika na ku lyashi lya Baibolo umo bakalondolola ifyo tunonkelamo mu mfwa yakwe. Pali aka kapepala pali icifulo ne nshita ifilelangilila ilyo uku kulongana kukabako noko kukabela. Mukwai nga kuti mwatemwa ukusangwako, mukese.
