ICUMA ICABA MU CEBO CA KWA LESA | YOBO 6-10
Yobo Umuntu wa Cishinka Alilandile pa fyo Amafya Akwete Yalemukalifya
Yobo aliculile sana, alifwililwe ulupwa lwakwe, kabili alilwele mupepi ne mfwa, lelo talekele ukuba uwa cishinka. Satana aeseshe ukufupula Yobo pa kuti aleke ukuba uwa kaele. “Abanankwe” bakwe batatu balishile. Babalilepo ukuilanga ukuti bali ne cikuuku kuli ena. Lyena pa nshiku 7 ishakonkelepo, baikele na Yobo ukwabula ukulanda icili conse, nangu kulanda amashiwi ya kumusansamusha. Ifyebo batendeke ukulanda fyali fye fya kulamupingula no kulamupeela fye imilandu.
Yobo alitwalilile ukuba uwa cishinka kuli Yehova nangu ca kuti aali sana na mafya
6:3; 7:16; 9:20-22; 10:1, 12
-
Ukuba sana no bulanda kwalengele Yobo ukulamona ifintu mu nshila yalubana. Alemona fye ukuti Lesa teti amusakamane nangu ca kuti atwalilile ukuba uwa cishinka
-
Pa mulandu ne fyo balemufupula, Yobo tatontonkenyepo pali fimbi ifyalelenga ukuti alecuula
-
Nangu ca kuti aliculile sana, Yobo talekele ukulanda pa fyo atemenwe Yehova ku bantu abalemupumya
