Pa 23 March, abantu nalimo amamilioni 12 nelyo ukucilapo ebo tuleenekela ukwisasangwa ku Cibukisho nga beni besu. Bakesayumfwila abene ifishinka ilyo kalanda akalondolola ubupe Yehova atupeela ubwa cilubula e lyo na mapaalo yamo ayo abantunse bakakwata ku ntanshi! (Esa. 11:6-9; 35:5, 6; 65:21-23; Yoh. 3:16) Lelo te kalanda fye eka uukapeela ubunte pali uku kulongana kwacindama. Bonse kuti twapeelako ubunte nga twaba ne nsansa pa kupokelela abantu abakesasangwako. (Rom. 15:7) Natulande pali fimo ifyo twingacita.

• Ukucila ukuyaikala fye pa cipuna no kulalolela ukulongana ukuti kutendeke, mukalepokelela abeni abakalaisa e lyo na baleka ukulongana no kushimikila. Pa kubaposha, tukalemwentulako no kumwentula

• Nangu ca kuti mulingile ukubika sana amano ku bantu abo mwaitile, mulingile no kumonako bambi abakesa pa mulandu wa kuti balibetile ilyo kwali kampeni. Mukebe abapya ukwikala nenu pa kuti bakabomfyeko ulwimbo lwenu na Baibolo yenu

• Pa numa ye lyashi, mulingile ukukwatako inshita ya kwasuka ifipusho bengepusha. Nga tamwakakwate inshita pa mulandu wa kuti icilonganino cimbi cikalabomfya Ing’anda ya Bufumu nga mwafumamo fye, mufwile ukupeekanya ukuyatandalila uyo muntu ilyo pashilapita inshiku ishingi. Nga tamwishibe ifyo mwingasanga uyo muntu, kuti nalimo mwamweba ukuti: “Kuti natemwa ukwisaishiba ifyo muletontonkanya pa kulongana twacikwata. Kuti twamonana shani?”