Ifyo Mwingalanda
ULUPUNGU LWA KWA KALINDA
Icipusho: Bushe kuti mwatila bupe nshi ubukalamba ubo Lesa atupeela?
Ilembo: Yoh. 3:16
Amashiwi ya kulanda: Ino magazini nailondolola ico Lesa atumine Yesu ukwisa pano calo ku kutufwila kabili nailanda na pa fyo twingacita pa kulanga ukuti tulatasha pali ubu bupe.
BUSHE UBUFUMU BWA KWA LESA NI CINSHI?
Icipusho: [Balangeni ifili pali trakiti.] Kuti mwayasuka shani ici cipusho? Bushe Ubufumu bwa kwa Lesa cintu cimo icaba mu mutima? Ni nsoselo fye? Buteko ubwaba mu muulu?
Ilembo: Dan. 2:44; Esa. 9:6
Amashiwi ya kulanda: Muli iyi trakiti nabalondolola ifyo mwinganonkelamo nga mwaishiba icine pa Bufumu bwa kwa Lesa.
AKAPEPALA KA KWITILAPO ABANTU KU CIBUKISHO
Amashiwi ya kulanda: Tuleita abantu ku kulongana ukwacindama nga nshi. [Bapeeleni akapepala.] Pa 11 April, abantu abengi mwi sonde lyonse bakalongana ku kwibukisha imfwa ya kwa Yesu no kukutika ku lyashi umo bakalondolola ifyo twinganonkelamo mu mfwa yakwe. Pali aka kapepala nabalembapo inshita ne cifulo ukukabela uku kulongana kuno mwesu. Tukatemwa sana nga mwaisa.
PEKANYENI MWE BENE IFYO MWINGALANDA
Ilyo mulepekanya ifyo mwingalanda mwe bene mu mulimo, pekanyeni ukulingana ne fyo balangilile pa muulu.
Nalimo Kuti Mwatemwako ne fi
ULUPUNGU LWA KWA KALINDA
Bushe Mulatasha pa Bupe Ubwacindamisha ubo Lesa Atupeela?
Ishibeni ifingalenga muletasha sana pa cilubula ico Lesa atupeela. Sambilileni pa fyo icilubula cacindama.
IFITABO NA MABROSHUWA
Bushe Ubufumu bwa kwa Lesa ni Cinshi?
Ilyo Yesu ali pe sonde, ifyo acitile filangilila ifyo Ubufumu bwa kwa Lesa bukacitila abantu ilyo bukalateka.
