IFYO FWE BENA KRISTU TULINGILE UKULAIKALA
Ifya Kubomfya Broshuwa Itila Mulekutika Kuli Lesa
Ico balembele broshuwa itila Mulekutika Kuli Lesa kusambilisha abantu amasambililo ya kubalilapo aya mu Baibolo kabili abo balembele ni balya abashaishiba ukubelenga. Pa kuti mulanshanye ukulingana ne fyo ifikope fikonkene, muli cila isambililo balibikamo utwa kulangilila icikope cifwile ukukonkapo.
Ifikope fyaba muli broshuwa itila Mulekutika Kuli Lesa pa Kuti Mukekale Umuyayaya fimo fine fye ne fyaba muli broshuwa itila Mulekutika Kuli Lesa, lelo mwena mwaliba amashiwi ayengi kabili abo mwingasambilisha muli iyi broshuwa basambi abashaishibisha ukubelenga. Bakasabankanya abengi basalapo ukubomfya iyi broshuwa nga balesambilisha umusambi uulebomfya broshuwa ya Mulekutika Kuli Lesa. Pa mabula ayengi aya muli broshuwa ya Mulekutika Kuli Lesa pa Kuti Mukekale Umuyayaya palaba akabokoshi umuba ifyebo na fimbi ifyo mwingalanshanya ukulingana na apapelele amaka ya musambi aya kumfwa ifyebo.
Kuti mwapeela abantu aya amabroshuwa pa nshita iili yonse nangu ca kuti tayali pa fyo mulepeela abantu muli uyo mweshi. Ilyo muletungulula isambililo, mulebomfya ifikope pa kulondolola ilyashi lya mu Baibolo. Muleipusha ifipusho pa kuti umusambi alelandapo kabili muleshininkisha ukuti aumfwikisha ifyo alesambilila. Mulebelenga no kulanshanya amalembo ayaba pe samba lye bula. Nga mwapwisha ukusambilisha umusambi muli broshuwa, kuti mwatendeka icitabo citila Bushe Cinshi Baibolo Isambilisha? pa kuti mwafwe umusambi ukulunduluka ukufika na ku lubatisho.