12:10, 17-21

Ukutemwa kwa Bwina Kristu takupelela fye pa kukanalandula umuntu nga atukalifya, lelo tufwile no kumucitila ifisuma. Baibolo itila “umulwani obe nga ali ne nsala, umupe ifya kulya; nga ali ne cilaka, umupe ifya kuti anwe; pantu nga wacita ifi ninshi watuulika amalasha ayaleaka umulilo pa mutwe wakwe.” (Rom. 12:20) Nga ca kuti tuli ne cikuuku ku batukalifye nalimo kuti calenga baumfwa ububi pa fyo bacitile.

Nangu ca kuti tamwaiminine pa kukalifya umuntu e lyo mwamukalifya, mwaumfwile shani ilyo ali ne cikuuku kuli imwe?