Cila mwaka tulabombesha ukwita abantu ababa mu cifulo tubilamo imbila nsuma ukwisalongana na ifwe Icibukisho. Abengi tatwabeshiba no kubeshiba. Tulingile no kwitako abantu abo twaishiba. Nga ca kuti umuntu bamwita ku mukaya wakwe ilingi line alesa mu kulongana. (yb08-E ibu. 11 para. 3; ibu. 14 para. 1) Bushe ni bani bamo abo mwingetako?

• Balupwa

• Abo mubomba nabo nelyo abo musambilila nabo

• Abena mupalamano

• Ifipempu na bantu mwalesambilisha Baibolo kale e lyo nabo musambilisha Baibolo

Na kabili baeluda baketa baleka ukulongana ukwisasangwako ku Cibukisho. Kuti mwacita shani nga ca kuti kwaliba uo mwaishiba uushikala ku ncende mwikalila nomba mulefwaya ukumwita ku Cibukisho? Kuti mwaya pa jw.org/bem no kuya apatila PA NTE SHA KWA YEHOVA e lyo mwatinika apatila “Icibukisho” pa kuti mwishibe inshita ne cifulo ababa ku cifulo kwikala uyo muntu bakalongana Icibukisho. Ilyo muleipekanya ukusangwa ku Cibukisho ca uno mwaka, muletontonkanya na pa bantu mwingatemwa ukwikata ku Cibukisho, lyena mukabete.