Abena Kristu balingile ukusambililako ku fyacitikile abena Israele ilyo bali mu ciswebebe ca Moabu. (1 Kor. 10:6, 8, 11) Abena Israele abatendeke ukwangala na banakashi abena Moabu abalecita ubulalelale kabili abalepepa tulesa twa bufi balibabeleleke ica kuti balicitile ne membu ishikalamba. Ici calengele bailetelele. (Impe. 25:9) Na ifwe tuba pamo na bantu abo tubomba nabo, abo tusambilila nabo ku sukulu, abena mupalamano, balupwa na bantu twaishibana nabo abashipepa Yehova. Finshi twingasambilila kuli ili lyashi lya mu Baibolo pa fingacitika nga tuleangala na bantu abashipepa Yehova?

TAMBENI VIDIO ITILA IFILANGILILO FYA KUTUSOKA MUNO NSHIKU—IYO BAIPIFYA, LYENA ASUKENI AYA MEPUSHO:

• Fintu nshi ifyabipa ifyo Simri na bambi baebele Yamini?

• Bushe Finehasi ayafwile shani Yamini ukulamona ifintu nga fintu Yehova afimona?

• Bupusano nshi bwaba pa kwishibana no muntu uushipepa Yehova na pa kuba cibusa wakwe?

• Mulandu nshi tulingile ukubela abacenjela na lintu tulesala ifibusa mu cilonganino?

• Mulandu nshi tushilingile ukubela na bantu tushaishibana nabo bwino pa mabumba bapanga pa intaneti?