Kuti twafuupuka nga tuli na mafya maka maka nga yakokola ukupwa. Davidi alishibe ukuti ubwafya akwete ne Mfumu Shauli bwali no kupwa kabili ali no kuba imfumu nga fintu Yehova amulaile. (1 Sam. 16:13) Icitetekelo e calengele ukuti Davidi abe uwatekanya kabili alelolela na pali Yehova.

Pa kuti tucite ifingalenga amafya tukwete yacepako, tulingile ukulailuka, ukulalingulula no kuba abacenjela. (1 Sam. 21:12-14; Amapi. 1:4) Na lyo line amafya yamo tayapwa nangu twaesha na maka ukubomfya amashinte ya mafunde ya mu Baibolo. Nga caba ifi tulingile ukutekanya no kulolela pali Yehova. Nomba line fye ali no kufumyapo amafya yonse kabili ‘akafuuta ne filamba fyonse ku menso yesu.’ (Ukus. 21:4) Nampo amafya tukwete yakapwa pa mulandu wa kuti Yehova atwafwa nelyo yakapwa pa milandu fye imbi, icishinka ca kuti: Bushiku bumo amafya yonse yakapwa. Ici icishinka cilalenga twasansamuka.

TAMBENI VIDIO ITILA, ABANTU ABAIKATANA MU CALO UMWABA AKAPATULULA, LYENA ASUKENI AYA MEPUSHO:

• Mafya nshi Abena Kristu bamo abaleikala ku kapinda ka ku kulyo aka United States bakwete?

• Balangile shani ukuti bali abatekanya kabili bali no kutemwa?

• Bushe bacitile shani pa kuti batwalilile ukubika amano ku “fyacilapo ukucindama”?—Fil. 1:10