IFYO TWINGACITA PA KUTI TULEBILA BWINO IMBILA NSUMA | MULECITA IFINGALENGA MULESEKELELA ILYO MULEBILA IMBILA NSUMA
Muleafwa Abasambi ba Baibolo Ukuba Ifibusa fya kwa Yehova
Yehova afwaya tulemubombela pa mulandu wa kuti twalimutemwa. (Mat. 22:37, 38) Abasambi ba Baibolo nga batemwa sana Lesa e lyo bengaluka, kabili nga baeshiwa bakatwalilila ukuba ne cishinka kuli Yehova. (1 Yoh. 5:3) Nga batemwa Lesa e lyo bakalafwaisha ukubatishiwa.
Muleafwa abasambi ba Baibolo ukulamona ifyo Lesa abatemwa. Mulebepusha amepusho pamo nga: “Finshi ifi filemusambilisha pali Yehova?” nelyo “Bushe ifi filelanga shani ukuti Yehova alimutemwa?” Muleafwa abasambi benu ukumona ifyo Yehova abafwa mu mikalile yabo. (2 Imila. 16:9) Muleshimikilako abasambi benu ifyo Yehova asuka amapepo yenu kabili mulebakoselesha ukulamona ifyo Yehova asuka amapepo yabo. Tulaba sana ne nsansa nga twamona abasambi ba Baibolo baishiba ukuti Yehova alibatemwa kabili nabo balecita ifilelanga ukuti balimutemwa.
TAMBENI VIDIO ITILA MULEAFWA ABASAMBI BA BAIBOLO UKUBA IFIBUSA FYA KWA YEHOVA, LYENA ASUKENI AYA AMEPUSHO:
-
Bwafya nshi ba Jade bakwete?
-
Bushe ba Neeta ba-afwile shani ba Jade?
-
Bushe ba Jade bapwishishe shani ubwafya bakwete?
