Abantu ababa fye ne mibele iisuma e bengaba ifibusa fya kwa Yehova. (1 Pet. 1:14-16) Ilyo umusambi wa Baibolo aleka ukucita ifyabipa kuti atendeka ukumfwana sana na ba lupwa, kuti aba no bumi ubusuma kabili kuti alesunga bwino indalama.

Mulelondolwela bwino umusambi amafunde ya kwa Yehova ayalanda pa mibele isuma, ico atupeelela ayo mafunde no busuma bwa kuyakonkela. Mulebika sana amano ku kwafwa abasambi benu ukwaluka mu fyo batontonkanya pantu e lyo bengalacita ifyo Yehova afwaya. (Efes. 4:22-24) Na kabili mulebakoselesha ukuti Yehova akabafwa ukuleka ukucita ifyabipa ifyo bacita. (Fil. 4:13) Mulesambilisha abasambi ukuti ilyo batunkwa ukucita ifyabipa balepaapaata Yehova mwi pepo ukuti abafwe. Na kabili mulebasambilisha ukulailuka no kutaluka ku fintu ifingalenga cabakosela ukucita icalungama. Mulebakoselesha ukulacita ifisuma mu cifulo ca kulacita ifyabipa. Mukaba ne nsansa nga mwamona ifyo Yehova aleafwa abasambi benu ukwaluka.

TAMBENI VIDIO ITILA MULEAFWA ABASAMBI BA BAIBOLO . . . UKULEKA UKUCITA IFYABIPA, LYENA ASUKENI AYA MEPUSHO:

• Bushe baeluda na ba Neeta bacilanga shani ukuti balicetekela ba Jade?

• Finshi fimbi ba Neeta bacicita pa kwafwa ba Jade?

• Finshi ba Jade bacicita pa kuti Yehova abafwe?