April 29–May 5
AMALUMBO 34-35
Ulwimbo 10 ne Pepo | Amashiwi ya Kutendekelapo (1 min.)
1. “Mulelumbanya Yehova Inshita Yonse”
(10 min.)
Davidi alelumbanya Yehova na lintu akwete amafya (Amalu. 34:1; w07 3/1 ibu. 22 para. 11)
Davidi taleitakisha lelo aleitakishisha muli Yehova (Amalu. 34:2-4; w07 3/1 ibu. 22 para. 13)
Filya Davidi alelumbanya Yehova, fyalekoselesha na bantu bambi (Amalu. 34:5; w07 3/1 ibu. 23 para. 15)
Ilyo Davidi afumine kuli Abimeleke abaume 400 abashatemenwe ifyo Shauli alecita balimukonkele mu matololo. (1 Sam. 22:1, 2) Nalimo aba baume ebo Davidi aletontonkanyapo ilyo alelemba ili ilumbo.—Amalu. 34, amashiwi ya pa muulu.
YIPUSHENI AMUTI, ‘Kuti nacita shani pa kuti nkalumbanye Yehova ilyo nkalalanshanya no muntu pa kulongana kwa pa cilonganino ukukonkelepo?’
2. Ukufwayafwaya Icuma Icaba mu Cebo ca kwa Lesa
(10 min.)
-
Amalu. 35:19—Cinshi Davidi apilibwile pa kulomba ukuti mwileka abampata bashibashibe amenso? (w06 5/15 ibu. 20 para. 2)
-
Cuma nshi mwasangile ilyo mwalebelenga Baibo uno mulungu?
3. Ukubelenga Baibo
(4 min.) Amalu. 34:1-22 (th isambililo 5)
4. Ifyo Mwingatendeka Ukulanshanya
(2 min.) UBUNTE BWA MU LYASHI. Mwasuka mwapwisha ukulanshanya lelo ukwabula ukuti mubile imbila nsuma. (lmd isambililo 1 icishinka 4)
5. Nga Mwabwelelako
(4 min.) UBUNTE BWA MU LYASHI. (lmd isambililo 2 icishinka 4)
6. Ukulondolola Ifyo Mwasuminamo
(5 min.) Icilangililo. ijwfq 59—Umutwe: Bushe Inte sha kwa Yehova Beshiba Shani nga Kuti Basefyako Amaholide Yamo Nelyo Iyo? (th isambililo 17)
Ulwimbo 59
7. Ifintu Fitatu Ifyo Twingacita pa Kuti Tulelumbanya Yehova Ilyo Tulelongana
(15 min.) Ukulanshanya.
Pa kulongana tulakwata inshita iisuma sana iya kulumbanya Yehova. Moneni ifintu fitatu ifyo twingacita.
Ukulanshanya: Mulelandako pa busuma bwa kwa Yehova ilyo mulelanshanya. (Amalu. 145:1, 7) Bushe mwalibelengapo nelyo ukumfwa icishinka cimo icamukoseleshe sana? Bushe kwali ifisuma ifyacitike ilyo mwalebila imbila nsuma? Bushe kwali ifyo umuntu umo acitile nelyo ukulanda ifya mukoseleshe nga nshi? Bushe kwali ifyo mwamwene ilyo mwaletamba ububumbo ifyo mwatemenwe sana? Fyonse ifi twalandapo bupe ubo Yehova atupeela. (Yako. 1:17) Mulefikako bwangu ilyo ukulongana kushilatendeka pa kuti mulekwatako inshita ya kulanshanya na bantu.
Ukwasukapo: Mule-esha ukwasukapo nangu umuku umo cila kulongana. (Amalu. 26:12) Kuti mwa-asuka icasuko ca mu kulungatika ku cipusho bepwishe, kuti mwalanda pa cishinka cimbi icilimo, kuti mwalanda pe lembo, kuti mwalanda pa cikope nelyo ifyo mwingabomfya ifyo mulesambilila. Apo te imwe mweka mukalaimya amaboko, kuti cawama mwapekanya ifyasuko ifingi. Nga tuleasuka ifyasuko ifiipi ifili fye nalimo amasekondi 30 nelyo ukucepako, ninshi abengi kuti batuulako “ilambo lya kulumbanya Lesa.”—Heb. 13:15.
Ukwimba: Ilyo muleimba inyimbo sha Bufumu muleimba no mweo onse. (Amalu. 147:1) Nalimo te kuti bamusonte ukuti mwasukepo cila kulongana, maka maka icilonganino nga cikalamba, lelo ukwimba kwena lyonse fye kuti mwaimbako. Te mulandu ne fyo mwimba nelyo ifyo ishiwi lyenu lyaba, nga muleimbako no mweo onse mwakulalenga Yehova ukusekelela. (2 Kor. 8:12) Pa kuti mupekanye inyimbo, muleimbamo ilyo muli ku ng’anda.
Tambeni VIDIO Itila Ifyo Twatwalilila Ukulunduluka—Inyimbo Bupe, Ulubali 1. Lyena ipusheni ibumba icipusho:
Bushe ilyo icilonganino ca kwa Lesa ica muno nshiku catendeke fye, twalelanga shani ukuti ukwimbila Yehova kwalicindama sana?
