Mu kusalapula mwaba ukusambilisha, ukulungika no kukanda. Yehova alatusalapula pa kuti tulemupepa mu nshila afwaya. (Rom. 12:1; Heb. 12:10, 11) Inshita shimo ukusalapula kulakalipa nomba nga twabombelapo tukaba abalungami kabili tukapaalwa. (Amapi. 10:7) Finshi abalesalapula e lyo nabo balesapula balingile ukulaibukisha?

Abalesalapula. Ilyo baeluda, abafyashi e lyo na bambi balesalapula umuntu, balingile ukuba ne cikuuku no kutemwa nga filya Yehova aba. (Yer. 46:28) Na lintu tulekalipila umuntu uulufyenye, tulingile ukuba no kutemwa.—Tito 1:13.

Abo balesalapula. Tulingile ukubombelapo bwangu nga batusalapula te mulandu ne nshila batusalapwilamo. (Amapi. 3:11, 12) Apo bonse tatwapwililika, tulakabila ukutusalapula mu nshila shalekanalekana. Limo tulasalapulwa ukupitila muli Baibolo na mu kulongana. Limo komiti ya bupingushi e itusalapula. Nga twaumfwa ilyo batusalapula no kubombelapo twabombelapo, tukaba no bumi ubusuma pali ino nshita kabili tukekala umuyayaya.—Amapi. 10:17.

TAMBENI VIDIO ITILA “ABO YEHOVA ATEMWA ALABASALAPULA,” LYENA ASUKENI AMEPUSHO YAKONKAPO:

• Bushe ba Canon balebombela shani Lesa ilyo bali abaice, kabili ba-alwike shani?

• Bushe Yehova abasalapwile shani?

• Finshi tulesambila ku fyacitikile ba Canon?