Apo tuli ku mpela ya “nshiku sha kulekelesha,” tufwile ukulaenekela ukuti ifintu fya kulabipilako fye. (2 Tim. 3:1; nwtsty ifingamwafwa ukusambilila pali Mat. 24:8) Ilingi line abantu ba kwa Yehova balabebela libela ifya kucita pa kuti bakapusuke ilyo ubusanso bukesa. Kanshi ilyo ubusanso bushilaisa, tulingile ukukosha bucibusa bwesu na Yehova pali ino nshita no kuipekanishisha libela.—Luka 16:10.

• Mulekosha bucibusa bwenu na Yehova: Muleisambilisha Icebo ca kwa Lesa lyonse. Mulebomfya inshila ishalekanalekana isha kubililamo imbila nsuma. Mwilasakamana nga ca kuti ubusanso bwalenga mwafilwa ukuba pamo na ba mu cilonganino. (Esa. 30:15) Yehova na Yesu bakatwalilila ukuba na imwe.—od ibu. 176 amapara. 15-17

• Muleipekanishisha libela: Tufwile ukukwata icola umo twingabika ifyo twingakabila nga kwaba ubusanso. E lyo cila lupwa lufwile ukupekanyako ifya kulya, amenshi, umuti, e lyo na fimbi ifyo bengabomfya pa nshita baleikala ku cifulo cimbi ico bapekenye ukuti e ko bekale.—Amapi. 22:3; g17.5 ibu. 4, na 6

TAMBENI VIDIO ITILA BUSHE MWALIIPEKANYA KU BUSANSO UBWINGACITIKA? LYENA ASUKENI AMEPUSHO YAKONKAPO:

• Kuti twakosha shani bucibusa bwesu na Yehova ilyo ubusanso bushilacitika?

• Mulandu nshi tulingile . . .

  • ukulalanshanishisha lyonse na baeluda?

  • ukupekanishisha libela icola umo twingabika ifyo twingakabila nga kwaba ubusanso?

  • ukulanshanishisha libela no lupwa ubusanso bwingacitika uko twikala e lyo ne fyo twingacita ubusanso nga bwacitika?

• Fintu nshi fitatu ifyo twingacita pa kwafwa abaponenwe na masanso?

YIPUSHENI AMUTI, ‘Finshi nsambilile ku cikuko ca korona pa co cacindamina ukuipekanishisha libela ku masanso?’