Ilyo Yesu alebila imbila nsuma, alelanda pa fyalecitika mu bwikashi. (Luka 13:1-5) Na imwe bene kuti mwalanda pa filecitika mu bwikashi pa kuti mulenge abantu balefwaisha ukukutika ku mbila ya Bufumu. Nga mwalanda pa fyo imitengo ya fintu ininine, pa masanso, pa fimfulunganya ifilecitika, pa fyo abantu balebomfya imiti bubi bubi, nelyo pa fintu fye fimbi, kuti mwaipusha abo mulelanda nabo icipusho icingalenga batontonkanyapo. Nalimo kuti mwabepusha amuti: “Bushe mulemona ukuti kukaba inshita ilyo . . .  fikapwa?” nelyo “Muletontonkanya ukuti cinshi cikalenga . . .  ukupwa?” Lyena kuti mwababelengela ilembo ililenda sana pali ilyo lyashi. Umuntu nga alefwaya ukumfwilapo na fimbi, kuti mwamutambishako vidio nelyo kuti mwamupeelako ulupapulo lumo pa Mpapulo Tubomfya Sana pa Kusambilisha Abantu. Kanshi “ifintu fyonse [natulencitila] imbila nsuma” ilyo tule-esha na maka ukufika abantu tulebilako imbila nsuma pa mutima.—1 Kor. 9:22, 23.

Lyashi nshi abantu batemwa sana mu cifulo mubila imbila nsuma?