Bushe Baibolo ya kukutikako ni isa? Baibolo ya kukutikako, ni Baibolo ya Amalembo ya Calo Cipya iya mu ciNgeleshi iyo bapitulukamo iyo bakopa amashiwi. Balaya baleifumya panono panono mu ndimi ishingi. Cimo icawama pali iyi Baibolo ya kukutikako ca kuti balabomfya amashiwi ya bantu abalekanalekana ukubelenga pa bantu abalekanalekana ababa mu Baibolo. Pa kubelenga amashiwi balayalanda ukulingana ne fyo yalingile ukumfwika ne fyo uwaleyalanda aleumfwa, pa kuti amalyashi ya mu Baibolo yomfwike ukulingana ne fyo yalingile ukumfwika.

Bushe abantu bamo balenonkelamo shani mu kukutika kuli Baibolo iyo bakopa amashiwi? Abengi abakutika kuli iyi Baibolo iyo bakopa, balisanga ukuti ukukutika ku mashiwi ayapusanapusana ukulingana no muntu uwalelanda ayo mashiwi mu Baibolo, cilabangukila ukwelenganya ifyalecitika kabili cilalenga baumfwikisha ifyalembwa mu Baibolo. (Amapi. 4:5) Na kabili abengi basanga ukuti ukukutika kuli Baibolo iyo bakopa amashiwi kulabatalalikako umutima nga nabasakamikwa.—Amalu. 94:19.

Ukukutika ku Cebo ca kwa Lesa ico babelenga kuti kwayalula ubumi bwesu. (2 Imila. 34:19-21) Nga ca kuti Baibolo iyo bakopa eko yaba mululimi ulo mwaishiba kuti cawama mulekutikako lyonse.

TAMBENI VIDIO ITILA IFYO BACITILE PA KUKOPA BAIBOLO YA KUKUTIKAKO—IYO BAIPIFYA, LYENA ASUKENI ICIPUSHO CAKONKAPO:

Finshi mwatemwapo sana pa fyo bacitile pa kukopa Baibolo ya kukutikako?