IFYO FWE BENA KRISTU TULINGILE UKULAIKALA
Muletemwa Ukulanshanya na Bantu pa Muku wa Kubalilapo
Ukubila imbila nsuma mu lyashi fye ni nshila iisuma sana kabili ilaboma bwino. Na lyo line nalimo kuti twaumfwa umwenso wa kutendeka ukulanda nga twabika sana amano ku fyo twalaisacita pa kuti tulande nelyo tubelenge Ilembo. Mu cifulo ca kusakamikwa sana pa fyo twalacita pa kuti tushimikile umuntu, tufwile ukubika amano ku kulenga amona ukuti natumubikako amano. (Mat. 22:39; Fil. 2:4) Nga ca kuti camoneka ukuti nacilinga ukulanda pa cine, mwalikwata ifya kubomfya ifingi ifingamwafwa ukushimikila umuntu icine.
Bushe ifyakonkapo kuti fyamwafwa shani ukushimikila umuntu icine pe lyashi ilyacitendeka fye ilyo mulelanshanya?
TAMBENI VIDIO ITILA “ICELA CINOONA ICELA”—IFYO MWINGATENDEKA UKULANSHANYA NO MUNTU, LYENA ASUKENI ICIPUSHO CAKONKAPO:
Fintu nshi fitatu ifyo twingacita pa kuti tulelanshanya bwino na bantu?
