“Yehova asekelela mu bantu bakwe.” (Amalu. 149:4) Nangu ca kuti tatwapwililika Yehova alamona imibele iisuma iyo twakwata ne fisuma ifyo twingacita ku ntanshi. Na lyo line inshita shimo nalimo kuti catukosela ukumona imibele iisuma iyo twakwata. Nalimo kuti twalamona kwati tatwacindama nelyo tuli bacabecabe pa mulandu wa fyo abantu batweba nelyo ifyo batucita. Kabili nga tulebika sana amano ku fyo twalufyenye kale kuti twalatwishika nga ca kuti Yehova alitutemwa. Finshi fingatwafwa nga ca kuti ifi e fyo tumfwa?

Muleibukisha ukuti ifyo Yehova amona te fyo umuntunse amona. (1 Sam. 16:7) Ici cilepilibula ukuti Yehova alitwishiba ukucila na pa fyo fwe bene twayishiba. Caliwama ifi Baibolo yalenga twaishiba ifyo Yehova atumona. Kuti twaishiba ifyo Yehova atumona nga tulebelenga ifikomo fya mu Baibolo na malyashi umwaba ifilanga ifyo Yehova atemwa ababomfi bakwe.

TAMBENI VIDIO ITILA MULESHININA UMUTIMA WENU PA NTANSHI YA KWA YEHOVA, LYENA ASUKENI AMEPUSHO YAKONKAPO:

• Bushe icilangililo cawalebutuka e lyo na wishi citusambilisha finshi pa fyo Yehova atumona?

  Icasuko cenu

• Nga ca kuti umuntu alicitile ulubembu ulukalamba e lyo acita ifingalenga bucibusa bwakwe na Yehova bwakosa na kabili kuti acita shani pa kuti ashinine umutima wakwe pa ntanshi ya kwa Lesa?—1 Yoh. 3:19, 20

  Icasuko cenu

• Bushe munyinefwe anonkelemo shani ilyo alebelenga no kutontonkanya pe lyashi lya kwa Davidi na Yehoshafati?

  Icasuko cenu