Icitabo icipya ica Ico Baibolo Isambilisha icapitulukwamo calipalana ne citabo icabalilepo ukufuma. Icine icaba muli ifi fitabo fyonse fibili caba fye cimo cine kabili ifipandwa fyatantikwa mu nshila imo ine. Na lyo line, mu citabo icipya mwena, babomfya amashiwi ayayanguka ukumfwa kabili icine cilomfwika bwangu. Ku mpela ya citabo icipya icapitulukwamo, kwaliba ulubali ulutila Ifyebo na Fimbi umo balondolola amashiwi yamo ne fyebo ifyo babomfya mu fipandwa. Ifipandwa tafikwata amepusho ya pa kutendeka kwa cila cipandwa na kabokoshi ka ifyo Baibolo isambilisha. Cila cipandwa muli ici citabo icipya, cilekeleshako no lubali lutila Ifishinka Mwasambilila umwaba ifyo Baibolo isambilisha ukulingana ne co cipandwa. Kuti mwapeela abantu icitabo ca Ico Baibolo Isambilisha icapitulukwamo pa nshita iili yonse nangu tacili pa fyo mulepeela abantu muli uyo mweshi. Bushe kuti twabomfya shani ifipya ifyaba muli ici citabo ilyo tuletungulula isambililo?

IFISHINKA MWASAMBILILA: Inshila tubomfya iya kubelenga amaparagrafu no kwipusha amepusho kuti twaibomfya ku bantu abengi. Nomba kuti mwacita shani nga ca kuti uo mulesambilisha Baibolo taishibisha ululimi mulebomfya nelyo nga taishibisha ukubelenga? Nga mulefwaya kuti mwabomfya ifyebo fyaba pa mpela ya cila cipandwa mu lubali ulutila Ifishinka Mwasambilila pa kusambilisha umuntu Baibolo kabili kuti mwamukoselesha no kuibelengela icipandwa. Kuti mwasambilisha umuntu ukubomfya Icishinka cimo pa fishinka ifiba pa mpela ya cipandwa mu mamineti fye nalimo 15. Apo mu lubali lwa Ifishinka Mwasambilila tamuba fyonse ifiba mu cipandwa, kasabankanya afwile ukupekanya bwino ifyebo ifingafika umusambi pa mutima. Nga ca kuti kasabankanya aletungulula isambililo mu cipandwa, ninshi kuti abomfya ulubali lwa Ifishinka Mwasambilila pa kupituluka no musambi muli ico cipandwa.

IFYEBO NA FIMBI: Amashiwi ne fyebo ifyaba muli ulu lubali bafitantika ukulingana ne fyo fyakonkana mu fipandwa. Kasabankanya kuti apingulapo umwine nga nacilinga ukuti balanshanye pali ifi fyebo ilyo bali pe sambililo nelyo iyo.