Nalimo kuti mwatendeka ukulatontonkanya ukuti inshiku sha bulumendo shikatwalilila fye ukubako kabili “inshiku sha bubi” ishisa umuntu nga akota tashakese. (Luk. Mil. 12:1) Nga uli musepela, bushe utontonkanya ukuti ucili ne nshita iikalamba ku ntanshi iya kubombako imilimo ya kwa Lesa pamo nga umulimo wa nshita yonse?

“Inshita ya fintu fyabula ukwenekela ifikila fye umuntu uuli onse” kumo fye na bacaice. (Luk. Mil. 9:11) ‘Tamwishibe icikamucitikila mailo.’ (Yako. 4:14) Kanshi, tamulingile ukubika imilimo ya kwa Lesa pa mbali no kulatontonkanya ukuti mukabombelako Lesa ku ntanshi. Mufwile ukuitemenwa ukubomba ilyo mucili namukwata “ishuko ilikalamba” ilya kubombesha. (1 Kor. 16:9) Mukapaalwa icine cine.

• Ukubila imbila nsuma mu lulimi lumbi

• Bupainiya

• Ukuya ku masukulu ya Bulesa

• Umulimo wa makuule

• Ukubombela pa Bethel

• Ukubomba mu muputule