Umusha wa cishinka kabili uwashilimuka alatupeela ifya kulya “pa nshita yalinga,” ifi acita filangilila fye ukuti Yehova uutungulula uyu umusha alishiba ifyo tukabila lwa ku mupashi. (Mat. 24:45) Ukulongana kwa citungu e lyo no kulongana kwa Imikalile ya Bwina Kristu no Mulimo Tubomba kwaba pa filanga ukuti umusha alatupeela ifya kulya.

TAMBENI VIDIO ITILA LIPOTI IFUMINE KULI KOMITI YA KUSAMBILISHA IYA MU 2017, LYENA ASUKENI AYA MEPUSHO:

• Ni nani uo tulingile ukulatasha pa kulongana kwa citungu uko tukwata, kabili mulandu nshi?

• Ni lilali batendeka ukupekanya ukulongana kwa citungu?

• Bushe bacita shani pa kuti basale amalyashi ya pa kulongana kwa citungu?

• Finshi bacita pa kuti bapekanye ukulongana kwa citungu?

• Bushe ifyo bacita pa kusambilila mwi Sukulu lya Gileadi bafibomfya shani ilyo balepekanya ukulongana kwa Mikalile?

• Bushe amadipartimenti yalekanalekana aya pa Bethel yabombela shani pamo pa kupekanya ukulongana kwa Mikalile?

Bushe mumfwa shani pa fya kulya fya ku mupashi ifyo Yehova atupeela ifitwafwa ukuba abakosa mu fya kwa Lesa?