Abena Kristu abalefwaya ukuupana balingile ukupingula pa fintu ifingi ilyo balepekanya ubwinga. Nalimo kuti bafwaya ukupisha ubwinga bwa lulumbi nga fintu abantu mu cifulo bekala bacita. Balupwa ne fibusa nabo kuti balafwaya ukubeba ifyo balemona ukuti e fyo bwinga bulingile ukuba. Mashinte nshi aya mafunde ayengafwa abaleupana ukupekanya bwino ubwinga bwabo ica kuti tabashele balelanguluka nelyo kampingu tashele alebacusha?

TAMBENI VIDIO ITILA AMENGA AYALENGA YEHOVA ACINDIKWA, LYENA ASUKENI AMEPUSHO YAKONKAPO:

• Bushe aya amashinte ya mafunde ayakonkapo yaafwile shani ba Nick na ba Juliana?

  • 1 Kor. 10:31

  • 1 Yoh. 2:15, 16

  • Gal. 5:19-21

  • 1 Tim. 2:9

• Mulandu nshi abalepekanya ubwinga balingile ukusalila munyinefwe umukalamba mu fya kwa Lesa ukuba “umukalamba wa mutebeto”?—Yoh. 2:9, 10.

• Cinshi calengele ba Nick na ba Juliana baaluleko fimo ilyo balepekanya ubwinga?

• Nani wakwata amaka ya kusalapo ifyo ifintu filingile ukuba pa bwinga?—w06 10/15 ibu. 25 para. 10.