Pa kuti abasambi beshibe bwino Yehova no kuba abakalamba mu fya kwa Lesa, tabafwile ukupelela fye pa fyo tubasambilisha. (Mat. 5:3; Heb. 5:12–6:2) Lelo bafwile no kwishiba ifyo bengalaisambilisha ifya kwa Lesa.

Ilyo mwatendeka fye ukusambilila no musambi mulingile ukumulanga ifya kupekanya isambililo, kabili mufwile ukumukoselesha ukulapekanya lyonse. (mwb18.03 ibu. 6) Mulebakoselesha ukulapepa ilyo bashilatendeka ukuisambilisha. Mulebalanga ifyo bengasanga e lyo ne fyo bengabomfya impapulo sha pa kompyuta, pa foni nelyo pa tabuleti ilyo baleisambilisha. Mulebalondolwela ifyo bengasanga ifipya ifili pa jw.org/bem na pa JW Broadcasting^®. Mu kupita kwa nshita kuti mwabasambilisha ifyo bengacita pa kuti balebelenga Baibolo cila bushiku, ukupekanishisha libela ukulongana ne fyo bengasanga ifyasuko ku mepusho bakwata. Mulebakoselesha no kulatontonkanya sana pa fyo balesambilila.

TAMBENI VIDIO ITILA MULEAFWA ABASAMBI BA BAIBOLO UKULAISAMBILISHA IFYA KWA LESA, LYENA ASUKENI AYA MEPUSHO:

• Bushe ba Neeta ba-afwile shani ba Jade ukwishiba ukuti ukusambilila te kwishiba fye ifyasuko?

• Cinshi calengele ba Jade bashininwe ukuti Yehova alicita fye bwino ifi akaanya ukucita ubulalelale?

• Cinshi ba Jade baishileiluka pa co cacindamina ukutontontonkanya sana pa fyo balesambilila?