Bankashi balabombesha ukutungilila umulimo wa Bufumu. (Amalu. 68:11) Balatungulula amasambililo ya Baibolo ayengi kabili bapainiya abengi ni bankashi. Bankashi abengi babombela pa Bethel, bamo ni bamishonari, bambi babomba mu makuule e lyo bambi nabo ni bakapilibula. Bankashi abakalamba mu fya kwa Lesa balakosha indupwa shabo ne filonganino. (Amapi. 14:1) Nangu ca kuti bankashi te kuti babe baeluda nelyo ababomfi batumikila, kuti bapanga ukubombako imilimo imo mu cilonganino ca kwa Lesa. Nga ni mwe bankashi, finshi fimo ifyo mwingacita pa kuti mubombeko imilimo na imbi mu cilonganino ca kwa Lesa?

• Muleba ne mibele iisuma.—1 Tim. 3:11; 1 Pet. 3:3-6

• Muleafwa bankashi bambi mu cilonganino abashaishiba sana ukubomba imilimo imo.—Tito 2:3-5

• Mulewamyako ifyo mubomba umulimo wa kubila imbila nsuma kabili mulebombesha

• Kuti mwasambililako ululimi mushaishiba

• Kuti mwayako no kwaba ukukabila

• Kuti mwaipushako ukubombelako pa Bethel nelyo mu makuule

• Kuti mwaipushako ukuya kwi Sukulu lya Bakabila ba Bufumu

TAMBENI VIDIO ITILA “ABANAKASHI ABALEBOMBESHA MULI SHIKULU,” LYENA ASUKENI ICI CIPUSHO:

• Bushe ifyo nkashi umo na umo acilanda fyacimukoselesha shani?