December 30, 2024–January 5, 2025
AMALUMBO 120-126
Ulwimbo 144 ne Pepo | Amashiwi ya Kutendekelapo (1 min.)
Abena Israele abafumine ku Babiloni uko bali bankole, balesekelela ilyo balesombola ifilimwa pantu Yehova nabapaala
1. Balebyala Ninshi Balelila, Lelo Balesombola Ninshi Balesekelela
(10 min.)
Abena Israele balitemenwe sana ilyo babalubwile mu Babiloni pa kuti batendeke na kabili ukupepa Yehova ukulingana ne fyo afwaya (Amalu. 126:1-3)
Ababweleele ku Yudea bafwile balililile nga nshi ilyo batontonkenye pa fyo umulimo wa kubwesha ukupepa ukwasanguluka wakulile (Amalu. 126:5; w04 6/1 ibu. 16 para. 10)
Abantu bali-ipeeleshe nga nshi kabili Lesa alibapaalile (Amalu. 126:6; w21.11 ibu. 24 para. 17; w01 7/15 amabu. 18-19 amapara. 13-14; moneni pa nkupo)
IFYA KUTONTONKANYAPO: Pa numa ya kupusuka inkondo ya Armagedone, mafya nshi tukakwata ilyo tukalawamya isonde? Bushe Lesa akatupaala shani?
2. Ukufwayafwaya Icuma Icaba mu Cebo ca kwa Lesa
(10 min.)
-
Amalu. 124:2-5—Bushe kuti twaenekela ukuti Yehova akulatucingilila nga filya alecingilila uluko lwa bena Israele? (cl ibu. 73 para. 15)
-
Cuma nshi mwasangile ilyo mwalebelenga Baibo uno mulungu?
3. Ukubelenga Baibo
(4 min.) Amalu. 124:1–126:6 (th isambililo 5)
4. Ifyo Mwingatendeka Ukulanshanya
(3 min.) UBUNTE BWA KU CINTUBWINGI. (lmd isambililo 3 icishinka 5)
5. Nga Mwabwelelako
(4 min.) KU NG’ANDA NE NG’ANDA. Umuku wafumineko, umuntu mulelanshanya nankwe aletwishika nga kuti acetekela ifyaba mu Baibo. (lmd isambililo 9 icishinka 5)
6. Ukulenga Abantu Baba Abasambi
Ulwimbo 155
7. Mulesekelela pa fyo Lesa Atulaya
(15 min.) Ukulanshanya.
Yehova alifikilishe ifyo alaile abantu bakwe abali bankole mu Babiloni. Alibalubwile kabili alibabelele uluse pa membu isho bacitile. (Esa. 33:24) Alibacingilile ne nama shabo ku nkalamo na ku fiswango fimbi ifyafulile pa nshita bali bankole ku Babiloni. (Esa. 65:25) Baleikala mu mayanda yabo kabili balelya ifisabo balesombola mu mabala yabo aya myangashi. (Esa. 65:21) Lesa alebapaala ilyo balebomba umulimo wabo kabili balikele imyaka iingi.—Esa. 65:22, 23.
Waterfall: Maridav/stock.adobe.com; mountains: AndreyArmyagov/stock.adobe.com
Tambeni VIDIO Itila Mulesekelela mu Mutende uo Lesa Atulaya—Iyo Baipifya. Lyena ipusheni ibumba aya amepusho:
-
Bushe amasesemo twatamba muli vidio yalefikilishiwa shani muno nshiku?
-
Bushe yakafikilishiwa shani mu calo cipya?
-
Masesemo nshi mulefwaisha ukwisamona yafikilishiwa?
8. Isambililo lya Baibo Ilya pa Cilonganino
(30 min.) bt icipa. 20 amapara. 8-12, akabokoshi pe bu. 161
