November 18-24
AMALUMBO 107–108
Ulwimbo 7 ne Pepo | Amashiwi ya Kutendekelapo (1 min.)
1. “Tooteleni Yehova, Pantu Musuma”
(10 min.)
Nga filya fine Yehova alubwile abena Israele mu Babiloni, e fyo na ifwe atulubula mu calo umwaba abantu abacita ifyabipa (Amalu. 107:1, 2; Kol. 1:13, 14)
Ukutootela Yehova kuti kwalenga twalafwaisha ukumulumbanya pa bantu abalongene (Amalu. 107:31, 32; w07 4/15 ibu. 20 para. 2)
Nga tuletontonkanya pali fyonse ifyo Yehova atucitila, tukalafwaisha ukumutootela (Amalu. 107:43; w15 1/15 ibu. 9 para. 4)
2. Ukufwayafwaya Icuma Icaba mu Cebo ca kwa Lesa
(10 min.)
-
Amalu. 108:9 —Cinshi nalimo abena Moabu babapashanishisha ku “cipe ca kusambilamo” ica kwa Lesa? (it-2-E ibu. 420 para. 4)
-
Cuma nshi mwasangile ilyo mwalebelenga Baibo uno mulungu?
3. Ukubelenga Baibo
(4 min.) Amalu. 107:1-28 (th isambililo 5)
4. Ifyo Mwingatendeka Ukulanshanya
(3 min.) UBUNTE BWA MU LYASHI. (lmd isambililo 1 icishinka 4)
5. Nga Mwabwelelako
(4 min.) UBUNTE BWA MU LYASHI. Ebeniko umuntu pe sambililo lya Baibo, kabili mupeeleni kardi apaba isambililo lya Baibo. (lmd isambililo 9 icishinka 3)
6. Ilyashi
(5 min.) ijwyp icipande 90—Umutwe: Kuti Nacita Shani pa Kuti Nilatontonkanya pa Fyabipa Ifingacitika? (th isambililo 14)
Ulwimbo 46
7. Tulemba Inyimbo pa Kuti Tuletasha Yehova
(15 min.) Ukulanshanya.
Ilyo Yehova apuswishe abena Israele pali Bemba wa Kashika ninshi nabomfwa umwenso pa mulandu na bashilika ba maka abena Egupti, balimbile ulwimbo pa kuti batashe Yehova. (Ukufu. 15:1-19) Abaume e batendekeelepo ukwimba ulu ulwimbo ulupya. (Ukufu. 15:21) Yesu na Bena Kristu bakubalilapo baleimba inyimbo sha kulumbanya Lesa. (Mat. 26:30; Kol. 3:16) Na ifwe pa kuti tutashe Yehova, tulemba inyimbo pa kulongana kwa pa cilonganino, ukwa muputule e lyo no kwa citungu. Ku ca kumwenako, ulwimbo twacimba ulutila, “Tulamutasha, Mwe Yehova,” twatendeke ukulwimba pa kulongana kwesu ukutendeka mu 1966.
Mu ntambi shimo, abaume balomfwa insoni ukwimba pa cintubwingi. E lyo bambi balashimunuka ukwimba pantu bamona kwati tabakwata ishiwi ilisuma. Nomba tufwile ukulaibukisha ukuti ukwimba pa kulongana lubali lwa kupepa. Icilonganino ca kwa Yehova cileesha apo cingapesha pa kuti cipekanye inyimbo ishisuma na pa kuti cisale inyimbo isha kwimba pa kulongana. Ifwe umulimo twakwata walyanguka. Twakwata fye umulimo wa kwimba pa kuti tutashe Shifwe wa ku muulu na pa kuti tulange ifyo twamutemwa.
Tambeni VIDIO Itila Ifyo Twatwalilila Ukulunduluka—Inyimbo Bupe, Ulubali 2. Lyena ipusheni ibumba aya amepusho:
-
Cintu nshi icikalamba icacitike mu 1944?
-
Bushe bamunyinefwe na bankashi mu Siberia balangile shani ukuti balitemwa ukwimba inyimbo sha Bufumu?
-
Cinshi Inte sha kwa Yehova bamwena ukuti ukwimba kwalicindama nga nshi?
8. Isambililo lya Baibo Ilya pa Cilonganino
(30 min.) bt icipa. 18 amapara. 6-15
